As parcelas do polígono industrial de Cee custarán como mínimo entre 45 e 50 euros por metro cadrado (02-06-2010) O alcalde de Cee, Ramón Vigo, mantivo onte un encontro cos empresarios da localidade. A cita realizouse no salón de plenos e a petición da Asociación de Empresarios da localidade, co fin de que o rexedor expuxese aos interesados en que situación atópase actualmente o parque empresarial -xa terminado- e que perspectivas existen para sacar á venda as parcelas.
O rexedor explicou aos presentes que, actualmente, resulta imposible avanzar un prezo final para os terreos de Cee, xa que quedan aínda dous asuntos importantes por dilucidar que poderían facer variar as tarifas.
Un dos problemas é a pugna xudicial entre os propietarios de parte dos terreos expropiados e SEXA polo prezo dese chan. SEXA pagouno a 8 euros o metro cadrado, pero os donos piden 70.
|