A plataforma para o desenvolvemento da Costa da Morte segue coa súa rolda de contactos para solicitar apoios para lograr o seu obxectivo: que as Administracións aproben un plan especial para o desenvolvemento industrial da comarca.
Onte a cita era en Muxía. Unha delegación da entidade reuniuse durante case unha hora co alcalde de Muxía, Félix Porto. Por parte de Neria acudiu o seu secretario, Xan García Pouso, e por parte da Fecom, o seu vicepresidente, José Santos Rial, tamén presidente da Asociación de Empresarios de Ponteceso. Houbo tamén un representante da directiva da Asociación de Empresarios de Cee.
O grupo explicou ao rexedor os obxectivos que buscan e a composición dunha plataforma, contou García Pouso, aberta a todos e contra ninguén. A cita con Porto buscaba non só o seu apoio como alcalde de Muxía, senón tamén como presidente do Pacto Territorial do Emprego.
Desde a entidade pediron a colaboración dese organismo cos medios cos que conta na oficina técnica de Fisterra.
Porto comprometeuse a tratar a petición na xunta directiva do PTE e ofreceu á plataforma os informes elaborados polos técnicos para o que puidesen ser de utilidade. García Pouso mostrouse satisfeito tras un encontro no que, dixo, Porto brindou a súa colaboración total como alcalde de Muxía. é previsible que a directiva do PTE sómese tamén ao empuxe colectivo da plataforma.