INSTITUTO GALEGO DE PROMOCIÓN ECONÓMICA
 
Ficha de Axuda
* Aviso: A información contida neste resumo ten únicamente efectos informativos, cómpre consultar a orde publicada no DOG para obter a información completa.
   
FICHA EN WORD
 VIXENCIA * LEXISLACIÓN

Xerar documento de Word imprimible.
A axuda está vixente na actualidade
Texto completo da axuda
ORGANISMO
IGAPE- Instituto Galego de Promoción Económica
1. TÍTULO DO PROGRAMA / AXUDA
MEDIDAS DE APOIO A PROXECTOS AMBIENTAIS.
2. FINALIDADE / OBXECTIVO
Incentivar os investimentos de iniciativa privada que promovan novos proxectos de protección e mellora ambientais e contribúan ao desenvolvemento sustentable.
3. TIPOS DE APOIO
Subvención a fondo perdido.
4. BENEFICIARIOS POTENCIAIS
Sociedades mercantís que vaian implantar un proxecto de investimento en Galicia dedicado á realización das tipoloxías de proxectos indicadas no apartado 6.
5. SECTORES INCENTIVABLES
O sector ambiental.
6. REQUISITOS PRINCIPAIS DO PROXECTO
Poderán ser obxecto de apoio os proxectos que se incardinen nalgunha das seguintes tipoloxías:
A implantación de proxectos de tratamento de residuos.
Fabricación de equipamento para instalacións de xestión e tratamento de residuos, redución ou eliminación da contaminación.
Fabricación de produtos terminados considerados de interese ecolóxico.
Pola súa parte, a empresa solicitante deberá cumprir os seguintes requisitos:
Ter radicados ou prever a radicación dalgún centro de actividade de carácter permanente na Comunidade Autónoma de Galicia.
Presentar un proxecto no que o orzamento de investimento subvencionable ascenda como mínimo a 600.000 €.
Que sexa viable técnica, económica e financeiramente.
Achegar un autofinanciamento de polo menos un 30%.
Comprometerse a manter unha determinada composición no accionariado nos supostos en que este represente un elemento substancial para garantir a viabilidade do proxecto.

7. CUALIFICACIÓN REQUERIDA DO PROXECTO
Acta de presenza: no prazo dos 15 días seguintes á presentación da solicitude, deberá presentarse no Igape acta notarial de presenza que reflicte a non iniciación dos investimentos para as que solicita a axuda ou estado de execución das mesmas.
Plan estratéxico: plan que defina as perspectivas de futuro da empresa, documento obrigatorio para proxectos con orzamento superior a 3.000.000 €.

8. INVESTIMENTOS E/OU GASTOS COMPUTABLES
Gastos de investimento realizados en :
Adquisición de terreos, necesarios para acometer o proxecto.
Traídas e conexións de servizos.
Urbanización e obras exteriores adecuadas ás necesidades do proxecto.
Obra civil.
Bens de equipo.
Outros investimentos en activos fixos materiais.
Traballos, estudos de planificación, enxeñería de proxecto e dirección facultativa.
Aplicacións informáticas, propiedade industrial e intelectual, incluíndo gastos de investigación e desenvolvemento que realice a propia empresa e outros activos intanxibles ligados ao investimento, en contía non superior ao 25% do investimento total aprobado no proxecto.
Outros gastos ligados ao investimento:
Gastos financeiros vinculados ás operacións de préstamo, crédito ou arrendamento financeiro, ata un máximo do 75% da inversión subvencionable, destinado a financiar o proxecto inversor, á cancelación de pasivos a curto prazo que se formalizasen para a financiación destes investimentos ou ás achegas de capital que o financien e que se xeren durante os 5 primeiros anos desta operación.
No caso de proxectos de primeiro establecemento dunha empresa ou centro de actividade na Comunidade Autónoma de Galicia, os aprovisionamentos necesarios para o inicio da actividade. O seu importe non poderá ser superior ao 10% da facturación prevista no primeiro exercicio económico completo. Tamén poderán computarse as asistencias técnicas para a elaboración de estudos vinculados á toma de decisión de acometer o proxecto inversor.

9. CONTÍA DAS AXUDAS
Axuda mínima do 15% do importe do investimento subvencionable.
10. PRAZO DE PRESENTACIÓN DE SOLICITUDES
Estas bases terán vixencia indefinida ata que non se publique a súa derrogación expresa.
11. INCOMPATIBILIDADES
Estas axudas serán compatibles con calquera outra das establecidas por calquera Administración pública, institución ou ente público sempre e cando non se exceda, en termos de subvención neta equivalente, a porcentaxe do 40% sobre o investimento subvencionable, salvo nos casos de pemes, nos que poderá acadarse ata o 55%.
12. REFERENCIA LEXISLATIVA
Resolución do 28 de marzo de 2003 (DOG do 31/03/2003)
Resolución do 4 de xaneiro de 2005 (DOG Nº6 do 11/01/2005)
13. INFORMACIÓN E TRAMITACIÓN EN
Instituto Galego de Promoción Económica (Igape).
Teléfono: 902 300 903
www.igape.es, informa@igape.es

14. OBSERVACIÓNS
-
 
 
IGAPE - Instituto Galego de Promoción Económica - * Aviso Legal