INSTITUTO GALEGO DE PROMOCIÓN ECONÓMICA
 
Ficha de Axuda
* Aviso: A información contida neste resumo ten únicamente efectos informativos, cómpre consultar a orde publicada no DOG para obter a información completa.
   
FICHA EN WORD
VIXENCIA * LEXISLACIÓN

Xerar documento de Word imprimible.

A axuda está vixente na actualidade
Resolución do 11 de marzo de 2005 (DOG Nº 58 28/03/2005)
Corrección de erros - Resolución do 11 de marzo de 2005 (DOG Nº 114 15/06/2005)
Texto completo da axuda
ORGANISMO
IGAPE- Instituto Galego de Promoción Económica
1. TÍTULO DO PROGRAMA / AXUDA
MELLORA COMPETITIVA DA PEME GALEGA - BASE 3ª - APOIOS Á IMPLANTACIÓN DE PROXECTOS DE MELLORA COMPETITIVA DE CARÁCTER XERAL
2. FINALIDADE / OBXECTIVO
Axudas á implantación de proxectos de mellora competitiva das pemes.
3. TIPOS DE APOIO
Subvencións a fondo perdido.
4. BENEFICIARIOS POTENCIAIS
Pequenas e medianas empresas (pemes) que teñan radicado o centro da súa actividade ou algún centro de traballo na Comunidade Autónoma de Galicia.
Os consorcios de exportación con personalidade xurídica propia, participados exclusivamente por pequenas e medianas empresas.

5. SECTORES INCENTIVABLES
Todas as actividades, agás nos proxectos de investimento empresarial e outros gastos vinculados ó investimento onde só se consideran subvencionables as seguintes actividades: Actividades industriais, loxísticas, hoteleiras ou de servizos avanzados ás Pemes.
6. REQUISITOS PRINCIPAIS DO PROXECTO
As medidas de mellora que poden ser obxecto de axuda son as seguintes:
-Investimento empresarial e outros gastos vinculados ao investimento.
-Implantación de ferramentas informáticas para a mellora da xestión empresarial.
-Iniciativas tendentes a facilitar a internacionalización
-Iniciativas de apoio á continuidade da empresa familiar.
-Iniciativas tendentes á consolidación e competitividade de cooperativas e sociedades de base laboral
-Iniciativas dirixidas a fomentar a viabilidade da PEME galega
Os beneficiarios deberán achegar para o proxecto un autofinanciamento mínimo do 30% do mesmo e deberán comprometerse a manter unha determinada composición no accionariado nos supostos en que esta represente un elemento substancial para garantir a viabilidade do mesmo.

7. CUALIFICACIÓN REQUERIDA DO PROXECTO
Para presentar unha solicitude de axuda os interesados deberán cubrir previamente un cuestionario descritivo das circunstancias do solicitante e do proxecto a través da aplicación de axuda establecida no enderezo de internet http://www.tramita.igape.es.
Deberán cubrirse necesariamente todos os campos do formulario establecidos como obrigatorios, tras o cal a aplicación emitirá un identificador de documento electrónico (IDE) que identificará univocamente o cuestionario.

8. INVESTIMENTOS E/OU GASTOS COMPUTABLES
1-Proxectos de investimento empresarial e outros gastos vinculados ó investimento, poderán subvencionarse:
Activos fixos materiais: terreos, urbanizacións e acometidas de servizos, obra civil, maquinaria, bens de equipo e traballos técnicos necesarios para a implantación produtiva. No sector de transportes quedan excluídos os gastos destinados á adquisición de material de transporte (activos móbiles).
Activos intanxibles: adquisición de propiedade intelectual e industrial, incluíndo licenzas de fabricación, patentes e o canon fixo de franquías no seu primeiro ano.
Dentro do límite máximo de subvención neta equivalente aplicable ao conxunto de gastos de investimento do proxecto, poderán acollerse os gastos financeiros vinculados ás operacións de préstamo,ata un máximo do 70% subvencionable.

2-Implantación de ferramentas informáticas para a mellora de xestión:
Software e aplicacións de xestión interna (paquetes estándar ou desenvolvementos específicos).
Hardware necesario para o manexo das aplicacións anteriores (Ordenadores ou servidores).
Instalación de redes informáticas internas necesarias para implantar o software.

3-Iniciativas tendentes á internacionalización:
Estudos de mercado, definición de estratexias, recomendacións para o lanzamento de novos productos, determinación de condicionantes (requisitos legais, restriccións,..)
Para proxectos que inclúan a primeira asistencia a feiras de carácter internacional considéranse subvencionables, os gastos de aluguer de espazo e servizos no recinto feiral e os gastos de traslado de materiais do beneficiario para a súa exposición no posto feiral.

4-Iniciativas de apoio á continuidade da empresa familiar:
custos externos de asesoría e consultoría destinados á preparación e formalización de protocolos de sucesión, así como os derivados da súa legalización dos mesmos.

5-Iniciativas tendentes á consolidación e competitividade de cooperativas e sociedades de base laboral:
Custos de elaboración dun estudo empresarial de viabilidade elaborado por un consultor independente
Con base nas necesidades da empresa que resulten do plan de viabilidade, poderanse subvencionar os custos de asistencia técnica cualificada para a implantación das medidas contidas no dito plan que se devenguen durante o primeiro ano de implantación.

6-Iniciativas dirixidas a fomentar a viabilidade da peme galega:
Os custos de elaboración dun estudo empresarial de viabilidade, realizado por consultor independente que non lle preste habitualmente servizos ao solicitante.
9. CONTÍA DAS AXUDAS
1-Para os proxectos de implantación de investimentos empresarial e outros gastos vinculados, con caracter xeral, o límite máximo de
axuda non superará a porcentaxe do 25% calculada sobre a base subvencionable aprobada.

2-Implantación de ferramentas informáticas para a mellora de xestión:
Para os investimentos en Software, Hardware e Instalación de redes informáticas internas á empresa.: ata o 55% da base subvencionable. A subvención máxima en hardware será de 12.000 euros.
Para os gastos en asistencia técnica específica para a implantación do proxecto: ata o 50% da base subvencionable. Límite da subvención de 5.000 euros.

3-Iniciativas tendentes á internacionalización:
As solicitudes de axuda presentadas por primeira vez acadarán unha subvención do 50% da base subvencionable aprobada, cos límites establecidos a continuación:
Estudos de mercado a subvención máxima por ámbito xeográfico de interese será de 9.000 euros.
Para os custos de deseño e construcción do stand, a subvención máxima será de 9.000 euros.

4-Iniciativas de apoio á continuidade da empresa familiar:
os proxectos acadarán unha subvención do 50% dos gastos subvencionables aprobados, cunha subvención máxima de 5.000 euros sobre os gastos de consultoría.

5-Iniciativas tendentes á consolidación e competitividade de cooperativas e sociedades de base laboral:
poderá subvencionarse ata un 75% da base subvencionable aprobada, podendo establecerse módulos máximos de custo subvencionable por estudo e asistencia técnica.

6-Iniciativas dirixidas a fomentar a viabilidade da peme galega:
poderá subvencionarse ata un 75% da base subvencionable aprobada, podendo establecerse módulos máximos de custo subvencionable por estudo e asistencia técnica.
10. PRAZO DE PRESENTACIÓN DE SOLICITUDES
Estas bases terán vixencia indefinida ata que non se publique a súa derrogación expresa.
11. INCOMPATIBILIDADES
As axudas previstas nesta base 3ª será incompatible con aquelas outras reguladas polo Igape.
Sen prexuízo dos límites específicos establecidos nestas bases e con carácter xeral estas axudas serán compatibles con calqueroutra das establecidas por calquera Administración pública, institución ou ente público, sempre e cando non se superen os seguintes límites e a axuda total non supere o custo efectivo do proxecto:
a) Para as axudas previstas en Investimentos empresariais e outros gastos vinculados e en Implantación de ferramentas informáticas para a mellora de xestión empresarial o 55% de subvención neta equivalente.
b) Para as axudas previstas en Iniciativas tendentes á internacionalización e Iniciativas dirixidas a fomentar a viabilidade da peme galega o 50% de subvención bruta, podéndose acadar ata o 75% no que se refire aos custos de contratación
de asistencias técnicas especializadas e gastos notariais e rexistrais.
12. REFERENCIA LEXISLATIVA
Resolución do 11 de marzo de 2005 (DOG Nº 58 28/03/2005)
Corrección de erros - Resolución do 11 de marzo de 2005 (DOG Nº 114 15/06/2005)
13. INFORMACIÓN E TRAMITACIÓN EN
Información e tramitación: Oficinas do Instituto Galego de Promoción Económica (IGAPE)
Teléfono: 902 300 903 www.igape.es informa@igape.es
14. OBSERVACIÓNS
-
 
 
IGAPE - Instituto Galego de Promoción Económica - * Aviso Legal