 |
INSTITUTO GALEGO DE PROMOCIÓN ECONÓMICA Ficha de Axuda * Aviso: A información contida neste resumo ten únicamente efectos informativos, cómpre consultar a orde publicada no DOG para obter a información completa. | |
|
FICHA EN WORD |
VIXENCIA | * LEXISLACIÓN |
 Xerar documento de Word imprimible. |
 A data de vixencia da axuda é 30/11/2006 |
|
| ORGANISMO | ||
| IGAPE- Instituto Galego de Promoción
Económica | ||
| 1. TÍTULO DO PROGRAMA / AXUDA | ||
| APOIO FINANCEIRO
2004-2006 ÓS INVESTIMENTOS DAS PEQUENAS E MEDIANAS EMPRESAS MEDIANTE
CONTRATOS DE ARRENDAMENTO FINANCEIRO. | ||
| 2. FINALIDADE / OBXECTIVO | ||
| Proxectos de
novo investimento en activos fixos, dirixidos a mellorar a
competitividade das pemes. | ||
| 3. TIPOS DE APOIO | ||
| Subsidiación ao
tipo de xuro dos contratos de arrendamento financeiro. | ||
| 4. BENEFICIARIOS POTENCIAIS | ||
| As empresas
radicadas na Comunidade Autónoma de Galicia que teñan a
consideración de peme e que desenvolvan actividades cualificadas
como incentivables no anexo I da resolución. | ||
| 5. SECTORES INCENTIVABLES | ||
| Actividades
económicas relacionadas no anexo I da resolución. | ||
| 6. REQUISITOS PRINCIPAIS DO PROXECTO | ||
| Investimento
subvencionable: mínimo 60.000 €. Importe do contrato de arrendamento financeiro: mínimo 60.000 € e máximo 3.000.000 €. O importe con dereito a subsidiación dos contratos de arrendamento non poderá superar o 95% do investimento considerado subvencionable. O beneficiario deberá facer unha entrega a conta do total a financiar mínima do 5%. Duración dos contratos: Mínima de 2 anos e máxima de 7 anos. Tipo de xuro: prazo entre 24 e 36 meses, fixo. Prazo entre 37 e 84 meses, fixo ou variable. Fixo: 3,85% para operacións formalizadas en 2005. Variable: 3,35% para operacións formalizadas en 2005. Próximos exercicios: Euríbor 6 meses + ata 1,15. Comisións: ata o 1% por todos os conceptos. Os bens deberán manterse durante a vixencia do contrato e por un período mínimo de 5 anos dende a formalización do contrato de arrendamento financeiro e a empresa beneficiaria deberá comprometerse a exercer a opción de compra á expiración do contrato subsidiado. Se a solicitude de axuda financeira para proxectos de investimento por importe a subsidiar é superior a 800.000 €, deberán cumprir, ademais, as seguintes condicións de estabilidade laboral en relación aos centros de traballo radicados en Galicia: Empresas existentes: que polo menos o 40% do cadro de persoal correspondente á data de solicitude teña contratos por tempo indefinido. Empresas de nova creación: deberán comprometerse a acadar, como mínimo, o 40% de estabilidade laboral. | ||
| 7. CUALIFICACIÓN REQUERIDA DO PROXECTO | ||
| Non se require
cualificación específica. | ||
| 8. INVESTIMENTOS E/OU GASTOS COMPUTABLES | ||
| Os conceptos de
investimento subvencionable deberán realizarse en inmobilizado
material novo adquirido a terceiros e dirixidos á mellora da
competitividade das pemes, e serán, exclusivamente, os que se
materialicen en: Maquinaria e as súas instalacións técnicas (agás plantas de coxeración de enerxía). Ferramentas. Mobiliario e equipos de oficina. Equipos para procesos de información. Aplicacións informáticas, sempre que non superen o 25% do investimento total subvencionable. Elementos de transporte interno. Elementos de transporte externo, unicamente para empresas de transporte público, e só os activos que supoñan unha renovación dos existentes. | ||
| 9. CONTÍA DAS AXUDAS | ||
| Para as
solicitudes presentadas no 2005, a subsidiación será de 3 puntos
para empresas de nova creación, empresas que creen 3 ou máis
empregos, empresas que realicen un proxecto de investimento nalgún
dos municipios que se relacionan no anexo X ou empresas nas que a
actividade principal sexa o transporte de mercadorías ou de
viaxeiros por estrada e acometan proxectos de renovación da flota
dirixidos á súa modernización e mellora ambiental, e de 2 puntos
para o resto dos casos, sendo o tipo de xuro resultante para o
beneficiario non inferior ao 1% ou ao 2% respectivamente. Para as solicitudes presentadas nos seguintes exercicios a subsidiación será como máximo de 3 puntos (actividade subvencionable 1,5 puntos / preferente 2 puntos / creación de emprego 1 punto), sendo o tipo de xuro resultante para o beneficiario non inferior ao 3%, agás para aqueles proxectos de investimento preferentes por actividade e que creen emprego, no que será non inferior ao 2%. | ||
| 10. PRAZO DE PRESENTACIÓN DE SOLICITUDES | ||
| O prazo de
presentación de solicitudes de subsidiación nas entidades
financeiras finalizará de acordo ao establecido a continuación:
Para operacións solicitadas con cargo á cantidade asignada á entidade de crédito para o ano 2005, ao 30 de novembro dese ano. Para operacións solicitadas con cargo á cantidade asignada á entidade de crédito para o ano 2006, ao 30 de novembro dese ano. | ||
| 11. INCOMPATIBILIDADES | ||
| Non poderán
acollerse ás axudas aqueles proxectos que se vaian financiar, en
todo ou en parte, mediante créditos, préstamos ou contratos de
leasing que teñan calquera tipo de subvención encamiñada a mellorar
as condicións financeiras respecto ás normais do mercado. | ||
| 12. REFERENCIA LEXISLATIVA | ||
| Resolución do 27
de xaneiro de 2004 (DOG Nº20 do 30/01/04) Resolución do 11 de marzo de 2004 (DOG Nº 61 do 29/04/2004) Resolución do 12 de xullo de 2004 (DOG Nº 151 do 05/08/2004) Resolución do 15 de novembro de 2004 (DOG Nº230 do 25/11/2004) Resolución do 14 de decembro de 2004 (DOG Nº247 do 22/12/2004) Resolución do 27 de decembro de 2004 (DOG Nº252 do 29/12/2004) Corrección de erros - Resolución do 27 de decembro de 2004 (DOG Nº4 do 7/1/2005) | ||
| 13. INFORMACIÓN E TRAMITACIÓN EN | ||
| Tramitación: As
solicitudes presentaranse nas entidades financeiras colaboradoras.
Información: Oficinas do Instituto Galego de Promoción Económica (IGAPE) Teléfono: 902 300 903 www.igape.es informa@igape.es | ||
| 14. OBSERVACIÓNS | ||
| Concellos de
localización prioritaria: Concellos da Costa da Morte: -Muros, Carnota, Cee, Dumbría, Corcubión, Fisterra, Muxía, Camariñas, Coristanco, Laxe, Cabana de Bergantiños, Ponteceso, Malpica de Bergantiños, Carballo, A Laracha, Zas e Vimianzo. Concellos da provincia de Lugo: -Ribadeo, Barreiros, Foz, Mondoñedo, Lourenzá, Trabada, Begonte, Rábade, Outeiro de Rei, Lugo, O Corgo, Sarria, O Incio, Bóveda, Monforte de Lemos e A Pobra de Brollón. Concellos da provincia de Ourense: -Carballiño, Leiro, Beade, Ribadavia, Xunqueira de Ambía, Sarreaus, Xinzo de Limia, Allariz, Carballeda de Avia, Melón, Arnoia, Paderne de Allariz, Taboadela, Baños de Molgas, Sandiás, A Gudiña, A Mezquita, Riós, Verín. | ||
