Diario Oficial de Galicia
luns, 26 de marzo de 2007
III. OUTRAS DISPOSICIÓNS
Número do Dog:
60
Páxina do Dog:
4.813
Data da Disposición:
15 de marzo de 2007
Sección:
III. OUTRAS DISPOSICIÓNS
Organismo:
CONSELLERÍA DE INNOVACIÓN E INDUSTRIA
Rango:
Orde
Título:
Orde do 15 de marzo de 2007 pola que se aproban as bases para a
concesión de subvencións para adecuación dos establecementos comerciais ao seu
contorno competitivo, en desenvolvemento do Plan de renovación e mellora do
comercio galego, e se procede á súa convocatoria para o ano 2007
(IN214A).
Orde do 15 de marzo de 2007 pola que se
aproban as bases para a concesión de subvencións para adecuación dos
establecementos comerciais ao seu contorno competitivo, en desenvolvemento do
Plan de renovación e mellora do comercio galego, e se procede á súa convocatoria
para o ano 2007 (IN214A).
A evolución da sociedade e dos hábitos de
consumo obrigan ao pequeno e mediano comercio a un necesario proceso de
modernización da súa xestión e a súa adecuación continuada para poder adaptarse
ao seu contorno competitivo.
Esta situación fixo necesaria a elaboración dun
conxunto de medidas, dentro do marco dunha política de comercio interior, que
lle asegure ao sector tradicional do comercio, a posibilidade de adaptarse ás
novas necesidades que exixen as actuais circunstancias económicas, non só para
garantir a súa supervivencia, senón tamén, para posibilitar que este tipo de
comercio lle siga proporcionando á sociedade boa parte dos servizos de
abastecemento, proximidade, diversificación de oferta e mantemento dos conxuntos
urbanos que desde sempre prestaron, mediante a creación dun Plan de renovación e
mellora do comercio galego, que se orienta a lles dar resposta aos problemas
actuais do sector, e que ten como obxectivo xeral adoptar os recursos materiais
e tecnoloxías ás necesidades do sector, e mellorar o poder de negociación e
capacidade de investimento das
pequenas e medianas empresas comerciais
establecidas en Galicia.
As axudas
establecidas nesta orde non se suxeitan ao trámite de concorrencia competitiva,
debido á súa propia natureza e dado que a súa concesión vén determinada polo
cumprimento por parte dos comerciantes dos requisitos establecidos na propia
orde, así como a experiencia adquirida na súa tramitación en exercicios
anteriores, que permite prever atender todas as solicitudes.
A teor do exposto, e en
virtude das competencias que ten atribuídas a Consellería de Innovación e
Industria en materia de comercio interior, e no exercicio das atribucións que me
foron conferidas,
DISPOÑO:
Artigo
1º.-Convocatoria e bases reguladoras.
1. Esta orde ten por obxecto aprobar as bases polas que se rexerá a
concesión das subvencións da Consellería de Innovación e Industria que teñen por
finalidade a renovación do comercio retallista galego e a incorporación das
novas tecnoloxías da información á xestión dos establecementos comerciais co
obxectivo de adaptar as súas estruturas ao seu contorno de maneira máis
competitiva, que se inclúen como anexo I.
2. Así mesmo, por medio desta orde convócanse as
devanditas subvencións para o ano 2007.
Artigo 2º.-Solicitudes.
1. Para poder ser beneficiario das subvencións
deberá presentarse unha solicitude axustada ao modelo normalizado que se inclúe
como anexo II desta orde, que irá acompañada dos documentos que se especifican
no artigo 4º das bases reguladoras.
Artigo 3º.-Lugar e prazo de presentación das
solicitudes.
1. As solicitudes
presentaranse preferentemente nos rexistros da Consellería de Innovación e
Industria, así como nos de calquera outro órgano da Administración xeral do
Estado, das comunidades autónomas ou das entidades que integran a Administración
local, sempre que neste último caso se teña subscrito o oportuno convenio, ou
polos restantes medios previstos no artigo 38.4º da Lei 30/1992, do 26 de
novembro, de réxime xurídico das administracións públicas e do procedemento
administrativo común.
2. O prazo de presentación de solicitudes será
dun mes a partir do día seguinte ao da súa publicación no Diario Oficial de
Galicia.
Artigo 4º.-Prazo de duración do procedemento de concesión.
Unha vez rematado o prazo para a presentación de
solicitudes, estas serán tramitadas e valoradas de acordo co procedemento
establecido nas bases reguladoras, que non poderá ter unha duración superior a 6
meses.
Artigo
5º.-Información aos interesados.
Sobre este procedemento administrativo, que ten o código IN 214-A,
poderase obter documentación normalizada ou información adicional na Dirección
Xeral de Comercio, a través dos seguintes medios:
a) Páxina web oficial da
consellería (www.conselleriaiei.org), no seu enlace de axudas e na oficina
virtual.
b)
Teléfonos das delegacións provinciais:
Delegación Provincial da Coruña: 981 18 49 05/981 18 49 62.
Delegación Provincial de Lugo: 982 29 46
70.
Delegación Provincial de Ourense:
988 38 67 12.
Delegación Provincial
de Pontevedra: 986 81 75 59.
c)
Enderezos de correo electrónico:
Delegación Provincial da Coruña:
maria.concepcion.olveira.espinosa*xunta.es
Delegación Provincial de Lugo:
ramon.maria.olano.vela*xunta.es
Delegación Provincial de Ourense:
ana.isabel.perez.souto*xunta.es
Delegación Provincial de Pontevedra:
invigo*xunta.es
d) Presencialmente.
Así mesmo, para cuestións xerais sobre este ou
outro procedemento, poderá facerse uso do teléfono de información xeral da
Consellería de Innovación e Industria, que é o 981 54 43 41.
Disposicións
derradeiras
Primeira.-Habilitación
para o desenvolvemento.
Facultase a
directora xeral de comercio para que dite as resolucións que sexan precisas para
o desenvolvemento e aplicación desta orde.
Segunda.-Entrada en vigor.
Esta orde entrará en vigor o día seguinte ao da
súa publicación no Diario Oficial de Galicia.
Santiago de Compostela,
15 de marzo de 2007.
Fernando Xabier
Blanco Álvarez
Conselleiro de
Innovación e Industria
ANEXO
I
Bases reguladoras para a concesión
de subvencións para adecuación dos establecementos comerciais ao seu contorno
competitivo, en desenvolvemento do plano de renovación e mellora do comercio
galego.
Artigo 1º.-Obxecto e réxime das subvencións.
1. As subvencións reguladas por estas bases teñen
por obxecto a renovación do comercio retallista galego e a incorporación das
novas tecnoloxías da información á xestión dos establecementos comerciais co
obxectivo de adaptar as súas estruturas ao seu contorno de maneira máis
competitiva.
2. O procedemento de concesión destas subvencións quedará suxeito ao
réxime de axudas de minimis, polo que non poderán exceder os límites
cuantitativos de 200.000 euros nun período de tres anos establecidos no
Regulamento (CE) nº 1998/2006 da Comisión da Unión Europea, do 15 de decembro de
2006, relativo á aplicación dos artigos 87 e 88 do Tratado CE ás axudas de
minimis (DOUE nº L379/5, do 28-12-2006).
3. En concreto, considéranse actuacións
subvencionables sempre que sexan realizadas e efectivamente
pagadas desde o 1 de
xaneiro de 2007 ata a data límite de xustificación establecida no artigo
15:
a)
Equipos para o proceso de información (ordenadores persoais de sobremesa,
servidores, impresoras, equipos multifunción, escáneres e similares) destinados
a aplicacións de contabilidade, facturación, almacén e automatización das
vendas.
b)
Aplicacións informáticas de carácter xenérico ou estándar destinadas aos fins
sinalados no punto anterior, debéndose presentar neste caso unha pequena
descrición das súas principais funcións e a súa relación coa mellora da xestión
da actividade comercial.
c) O deseño e implantación de sistemas de venda
non presenciais (comercio electrónico).
d) Paxinas web promocionais do establecemento
comercial.
e) Equipos portátiles
(ordenadores, axendas electrónicas, PDA e similares), soamente no caso de
vendedores ambulantes, ou naqueles casos que se acredite suficientemente a súa
necesidade polo tipo que actividade que se realiza, non subvencionándose en
ningún caso máis dun equipo por comerciante.
f) Caixas rexistradoras.
g) Terminais punto de venda.
h) Lectores ópticos de códigos de
barras.
i) Sistemas de medición e
pesaxe de mercadorías.
j) Sistemas de
etiquetaxe.
k) Sistemas de alarma,
sistemas anti-furto e portas de seguridade.
l) Fotocopiadoras e aparellos de teléfono e fax.
m) Equipamentos para o tratamento de temperatura
dos produtos para a exposición e venda ao público exclusivamente.
4. Quedan expresamente
excluídas do ámbito de aplicación desta orde as actuacións
seguintes:
a)
Cámaras dixitais e teléfonos móbiles.
b) Hardware e software que de forma indubidable non se poida relacionar
cunha mellora da xestión comercial, tales como programas de revelado e impresión
de fotografías, tratamento da imaxe e son, deseño, programas de lecer, obras de
consulta que non correspondan á actividade desenvolvida, etc...
c) Investimentos
realizados mediante contratos de arrendamento financeiro ou outras modalidades
de financiamento.
d) Os gastos de transporte, instalación e mantemento dos conceptos
subvencionables.
e) Calquera dos conceptos subvencionables cando sexan obxecto de
comercialización polos comerciantes solicitantes.
Artigo 2º.-Financiamento
e concorrencia.
1. Para a concesión
das subvencións destinaranse os créditos globais correspondentes á aplicación
orzamentaria 10.05.751A.770.1 Renovación e fomento da calidade do comercio
retallista, destinándose para o seu financiamento un importe máximo de 1.050.000
euros, sen prexuízo de ulteriores variacións producidas como consecuencia dunha
maior dispoñibilidade orzamentaria, o que poderá dar lugar á concesión de máis
subvencións.
Aplicación orzamentaria: 10.05.751 A770.1.
Ano 2007: 1.050.000 euros.
2. Para poder optar á subvención establécese unha
contía mínima de investimento subvencionable de 1.000 euros, IVE excluído. O
investimento máximo subvencionable será de 12.000 euros, salvo no caso de deseño
de sistemas de venda non presenciais (art. 1.3º c)) e páxinas web (art. 1.3º
d)), nos cales o investimento máximo subvencionable será de 3.000 euros, IVE
excluído.
Dentro dos límites establecidos no punto anterior a contía máxima de
subvención que se outorgará será do 40% do investimento subvencionable, IVE
excluído. Non obstante, a porcentaxe de subvención que se outorgue poderá acadar
ata o 50%, IVE excluído, para os investimentos vencellados á incorporación por
parte do comerciante ou beneficiario da axuda a un proxecto dunha ou varias
agrupacións de comerciantes que asuman conxuntamente a realización dalgunha das
seguintes actuacións: medios de pagamento, plans de fidelización, acceso á
internet, operacións de comercio electrónico e sistemas de xestión integral da
empresa, centrais de compras e servizos, que deberá ter o visto e prace previo
da Consellería de Innovación e Industria. O citado proxecto deberá ser
presentado para a súa validación antes da finalización do prazo de presentación
de solicitudes establecido no artigo 3º.2 da convocatoria.
En ambos os dous casos a
porcentaxe de subvención que se aplique sobre o investimento subvencionable
incrementarase en dez puntos cando o establecemento comercial se atope en
concellos de menos de 5.000 habitantes de acordo co Real decreto 1627/2006, do
29 de decembro, polo que se declaran oficiais as cifras de poboación resultantes
da revisión do padrón municipal referidas o 1 de xaneiro de 2006.
3. O importe das axudas e
subvencións reguladas nesta orde en ningún caso poderá ser de tal contía que,
illada ou en concorrencia con outras axudas e subvencións das distintas
administracións ou calquera dos seus entes públicos e privados, nacionais ou
internacionais, supere o 70% do investimento subvencionable.
Artigo
3º.-Beneficiarios.
1. Poderán ser
beneficiarios das subvencións, sen prexuízo de reunir os demais requisitos
establecidos nestas bases, os comerciantes retallistas, xa sexan persoas físicas
ou xurídicas, sociedades civís e comunidades de bens, legalmente constituídas
que cumpran os seguintes requisitos:
a) Que desenvolvan a súa actividade en
establecementos comerciais ou no comercio ambulante no territorio galego e que,
de ser o caso, os investimentos se realicen en establecementos comerciais
situados na Comunidade Autónoma de Galicia.
No caso dos comerciantes ambulantes será
requisito necesario que estean inscritos no rexistro de comerciantes ambulantes
ou que teñan solicitada a inscrición con anterioridade á data de finalización do
prazo de presentación de solicitudes.
b) Que a súa actividade principal estea incluída
nalgunha das agrupacións ou epígrafes correspondentes á clasificación do imposto
de actividades económicas que figuran no anexo V desta orde. No caso de que o
soli
citante
estea dado de alta en dúas ou máis epígrafes do IAE, entenderase como actividade
principal aquela que comporte a maior facturación e, se isto non fose posible de
determinar, atenderase á superficie de venda destinada a cada
actividade.
c) Que non superen os dez traballadores.
d) Que os seus locais comerciais non superen os
300 m de superficie comercial destinada a exposición e venda ao público. (Quedan
excluídos para o cómputo da dita superficie as oficinas, almacén, salas de
refrixeración, talleres e outros locais dedicados á elaboración ou manipulación
de produtos, aulas, aseos, etc...), salvo no caso dos vendedores
ambulantes.
e) Os solicitantes non poderán estar incursos en ningunha das
circunstancias previstas no artigo 13 da Lei 38/2003, do 17 de novembro, xeral
de subvencións.
2. Os beneficiarios desta mesma orde nas súas convocatorias do ano 2005 e
2006 non poderán ser novamente beneficiarios para os mesmos conceptos xa
subvencionados, salvo que se trate de investimentos que sexan destinados a un
establecemento comercial de nova apertura.
Artigo 4º.-Solicitudes.
1. As solicitudes para participar no procedemento
de concesión das subvencións presentaranse na forma e prazo que se indiquen na
convocatoria.
2. Xunto coas solicitudes deberá achegarse a seguinte documentación, en
orixinal ou copia compulsada:
a) Documentos acreditativos da personalidade ou
identidade do solicitante (DNI ou CIF no caso de sociedades). Nos supostos de
representación, documentos acreditativos desta e DNI da persoa
representante.
b) No caso das sociedades, copia da escritura de constitución e
modificacións posteriores, en que conste o seu obxecto social que deberá
abranguer a actividade para a cal solicita a axuda.
c) Documentación
acreditativa do número de traballadores da empresa (TC2) do mes anterior á
presentación da solicitude ou, de ser o caso, certificación da Seguridade Social
da non existencia de traballadores.
d) Certificación expedida pola Axencia Tributaria
en que se indiquen as epígrafes do imposto de actividades económicas en que
figura dado de alta o solicitante.
e) Copia da declaración do imposto sobre a renda
das persoas físicas ou do imposto de sociedades do último exercicio. Neste
último caso, se o solicitante está dado de alta en dúas ou máis epígrafes do
IAE, deberá acreditar que a súa actividade principal é subvencionable segundo
datos de facturación ou, no seu defecto, de superficie de venda.
f) Declaración expresa
sobre a concesión ou solicitude doutras subvencións ou axudas para a mesma
finalidade procedentes de calquera Administración ou entes públicos ou privados,
nacionais ou internacionais; así como declaración expresa de non estar incurso
en ningunha das circunstancias previstas no artigo 13 da Lei 38/2003, do 17 de
novembro, xeral de subvencións, e declaración de axudas en réxime de minimis,
segundo o anexo III desta orde.
g) Breve memoria descritiva do proxecto e
obxectivos que se pretenden alcanzar.
h) Orzamentos ou facturas pro forma do investimento que se vaia realizar.
Non terán a consideración de orzamentos as estimacións de gastos efectuadas polo
solicitante.
i) Certificacións acreditativas de estar ao día nas obrigas tributarias e
coa Seguridade Social e de non ter pendente de pagamento ningunha débeda por
ningún concepto coa Administración publica de Galicia, sen prexuízo do
establecido no artigo 43 da Lei 14/2006 de orzamentos xerais da comunidade
autónoma para o ano 2007.
j) Certificación acreditativa, expedida pola
asociación ou agrupación de comerciantes correspondente, de que os ditos
investimentos se enmarcan dentro dun proxecto global promovido por elas, se é o
caso.
Artigo
5º.-Consentimentos e autorizacións.
A
presentación da solicitude implica o coñecemento e aceptación destas bases
reguladoras. De conformidade co artigo 43 da Lei 14/2006, do 28 de decembro, de
orzamentos xerais da Comunidade Autónoma de Galicia para o ano 2007, a
presentación da solicitude de concesión da subvención comportará a autorización
do solicitante para que o órgano concedente obteña de forma directa a
acreditación do cumprimento das súas obrigas tributarias co Estado, coa
comunidade autónoma e coa Seguridade Social, a través das certificacións
telemáticas.
Igualmente, de conformidade co mesmo artigo, se o solicitante indica que
certa documentación que se deba usar neste procedemento xa está no poder da
Administración, a presentación da solicitude implica a autorización ao órgano
instrutor para acceder a ela. Para estes efectos, a documentación debe manterse
vixente e identificarse no formulario de solicitude o procedemento
administrativo para o cal foi presentada.
1. De acordo co establecido na disposición
adicional primeira do Decreto 132/2006, do 27 de xullo, de creación dos
rexistros de axudas, subvencións e convenios e de sancións da Xunta de Galicia,
a persoa solicitante da subvención consentirá expresamente a inclusión e
publicidade dos datos relevantes referidos ás axudas e subvencións recibidas,
así como ás sancións impostas, no devandito rexistro, feito que terá lugar agás
nos supostos legalmente establecidos, todo isto consonte o establecido na Lei
orgánica 15/1999, do 13 de decembro, de protección de datos de carácter persoal,
e na Lei orgánica 1/1982, do 5 de maio, pola que se regula a protección civil do
dereito á honra, á intimidade persoal e familiar e á propia imaxe.
2. De conformidade co
artigo 13.4º da Lei 4/2006, do 30 de xuño, de transparencia e de boas prácticas
na Administración pública galega, esta consellería publicará na súa páxina web
oficial a relación dos beneficiarios e o importe das axudas concedidas, polo que
a presentación da solicitude leva implícita a autorización para o tratamento
necesario dos datos dos beneficiarios e a súa publicación na citada páxina web,
coas salvidades previstas nas leis.
Artigo 6º.-Órganos competentes.
As delegacións provinciais serán os órganos
competentes para a instrución do procedemento de concesión da subvención, e
correspóndelle ao conselleiro de Innovación e Industria ditar a resolución de
concesión.
Artigo 7º.-Instrución dos procedementos.
1. De conformidade co establecido no artigo 71 da
Lei 30/1992, do 26 de novembro, de réxime xurídico das administracións públicas
e do procedemento administrativo común, se a solicitude non reúne algún dos
requisitos exixidos nestas bases reguladoras ou na correspondente convocatoria
requirirase o interesado para que, nun prazo de dez días hábiles, emende a falta
ou achegue os documentos preceptivos. Neste requirimento farase indicación
expresa de que, se así non o fixese, terase por desistido na súa petición, logo
da correspondente resolución.
Este requirimento de emenda tamén se fará se das
certificacións obtidas de conformidade co artigo 5º.1 resulta que o solicitante
non se atopa ao día no pagamento das súas obrigas tributarias, coa Seguridade
Social, ou con calquera outro organismo da Administración pública
galega.
2.
Sen prexuízo do disposto no parágrafo anterior, poderá requirirse o solicitante
para que achegue cantos datos, documentos complementarios e aclaracións resulten
necesarios para a tramitación e resolución do procedemento.
3. Os expedientes que non
cumpran as exixencias contidas nestas bases ou na normativa de aplicación, ou
que non conteñan a documentación necesaria, quedarán á disposición do órgano
instrutor para que formule a proposta de resolución de inadmisión, en que se
indicarán as causas desta.
Artigo 8º.-Criterios de valoración.
As solicitudes resolveranse por rigorosa orde de
entrada, priorizando aquelas que presenten a documentación completa en todos os
seus aspectos.
Artigo 9º.-Audiencia.
1.
Instruído o procedemento, e inmediatamente antes de redactar a proposta de
resolución, comunicaráselles aos interesados para que, nun prazo de dez días,
poidan formular alegacións e presentar os documentos e xustificacións que
consideren pertinentes.
2. Porén, poderase prescindir do trámite a que se
refire o punto anterior cando non figuren no procedemento nin se vaian ter en
conta na resolución outros feitos nin outras alegacións ou probas que as
aducidas polo interesado.
Artigo 10º.-Resolución e
notificación.
1. Unha vez concluído o
trámite de audiencia, o instrutor formulará a proposta de resolución, que se
elevará ao conselleiro.
2. O conselleiro, á vista da proposta, ditará a
correspondente resolución, que deberá estar debidamente motivada e expresará,
cando menos, a actuación que se subvenciona e o seu custo, así como a subvención
concedida, a súa contía e o seu carácter de minimis, ou, no seu caso, a causa de
denegación.
En ningún caso o importe das subvencións concedidas poderá superar o
custo da actividade que vaia desenvolver o beneficiario ou, de ser o caso, a
porcentaxe máxima do investimento subvencionable legalmente
establecida.
3. O prazo máximo para resolver e notificar a resolución ao interesado
será de 6 meses contados a partir
do seguinte ao da publicación da orde de
convocatoria no Diario Oficial de Galicia. Se transcorrese o prazo máximo para
resolver sen que recaese resolución expresa, os interesados poderán entender
desestimadas as súas solicitudes por silencio administrativo.
4. Todas as resolucións
serán notificadas de acordo co establecido na Lei 30/1992, do 26 de novembro, de
réxime xurídico das administracións públicas e do procedemento administrativo
común.
Non
obstante, e de conformidade co establecido no artigo 59.6º b) da indicada lei,
poderase substituír a notificación individual pola publicación no Diario Oficial
de Galicia e na páxina web da Consellería de Innovación e Industria. Nesta
publicación especificarase a data da convocatoria, o beneficiario, a cantidade
concedida e a finalidade da subvención outorgada.
As solicitudes
desestimadas notificaranse individualmente, con indicación das causas da
desestimación.
Artigo 11º.-Réxime de recursos.
As resolucións ditadas ao abeiro da correspondente orde de convocatoria
poñerán fin á vía administrativa e contra elas poderán interpoñerse os seguintes
recursos, sen prexuízo de que os interesados poidan exercer calquera outro que
consideren procedente:
a) Recurso potestativo de reposición ante o
conselleiro de Innovación e Industria, no prazo dun mes contado a partir do día
seguinte ao da notificación da resolución, se esta fose expresa, ou de tres
meses contados a partir do seguinte a aquel en que se produza o acto
presunto.
b)
Recurso contencioso-administrativo ante a Sala do Contencioso-Administrativo do
Tribunal Superior de Xustiza de Galicia, no prazo de dous meses contados desde o
día seguinte ao da notificación da resolución, se esta fose expresa, ou de seis
meses contados a partir do seguinte a aquel en que se produza o acto
presunto.
Artigo 12º.-Modificación da resolución.
1. Toda alteración das condicións tidas en conta
para a concesión da subvención e, en todo caso, a obtención concorrente de
subvencións ou axudas outorgadas por outras administracións ou entes públicos ou
privados poderán dar lugar á modificación da resolución de
concesión.
2.
O órgano competente para a concesión da axuda poderá acordar a modificación da
resolución por instancia do beneficiario. Os requisitos que deberán cumprirse
para isto son os seguintes:
a) Que se acredite a inexistencia de prexuízos a
terceiros.
b) Que os novos elementos
e circunstancias que motiven a modificación, de ter concorrido na concesión
inicial, non supuxesen a denegación da axuda ou subvención.
c) Que a actividade,
conduta ou modificación do proxecto estea comprendida dentro da finalidade das
normas ou bases reguladoras.
O beneficiario deberá solicitar a dita
modificación mediante instancia dirixida ao conselleiro de Innovación e
Industria, acompañada da documentación acreditativa do cumprimento dos
requisitos reflectidos no punto anterior, cun límite de 40 días hábiles antes da
data de finalización do prazo de xustificación do investimento.
3. O acto polo que se
acorde a modificación da resolución ou, de ser o caso, se denegue, será ditado
polo órgano concedente logo da instrución do correspondente expediente, no cal
se dará audiencia aos interesados na forma prevista no artigo 9º destas
bases.
Artigo
13º.-Aceptación e renuncia.
1. Sen
prexuízo dos recursos que procedan contra a resolución, transcorridos quince
días naturais dende a notificación ou publicación desta sen que o interesado
comunicase expresamente a súa renuncia á subvención entenderase que a acepta, e
desde ese momento adquirirá a condición de beneficiario.
A renuncia á subvención
farase axustándose ao modelo que se inclúe como anexo IV destas bases ou por
calquera outro medio que permita a súa constancia, de acordo co establecido no
artigo 91 da Lei 30/1992, do 26 de novembro, de réxime xurídico das
administración públicas e do procedemento administrativo común.
2. No caso de que se
comunicase a renuncia en prazo, o conselleiro ditará a correspondente resolución
nos termos do artigo 42.1º da mesma lei.
Artigo 14º.-Obrigas dos
beneficiarios.
Son obrigas do
beneficiario:
a) Realizar a
actividade ou adoptar o comportamento que fundamenta a concesión da axuda ou
subvención.
b) Acreditar, con anterioridade a ditarse a proposta de resolución de
concesión, que se atopa ao día nas súas obrigas tributarias e coa Seguridade
Social, e que non ten pendente de pagamento ningunha débeda, por ningún
concepto, coa Administración pública da Comunidade Autónoma galega.
c) Someterse ás
actuacións de comprobación que efectúe o órgano concedente, así como calquera
outra comprobación e control que poidan realizar os órganos de control
competentes, e achegar canta información lles sexa requirida no exercicio das
actuacións anteriores. En particular, facilitar toda a información que lles sexa
requirida pola Intervención Xeral da Comunidade Autónoma, o Tribunal de Contas e
o Consello de Contas, no exercicio das súas funcións de fiscalización e
control.
d)
Comunicarlle á entidade concedente a obtención de subvencións, axudas, ingresos
ou recursos que financien as actividades subvencionadas.
e) Conservar os
documentos xustificativos da aplicación dos fondos recibidos incluídos os
documentos electrónicos mentres poidan ser obxecto das actuacións de
comprobación e control.
f) Todos os investimentos deberán permanecer polo
menos tres anos desde a súa concesión no establecemento comercial declarado polo
beneficiario na solicitude, salvo petición razoada á Dirección Xeral de
Comercio.
g)
A obriga de reintegro, total ou parcial, da subvención percibida no suposto de
incumprimento das condicións establecidas para a súa concesión.
No caso de vendedores
ambulantes deberán declarar, na solicitude, o lugar en que se localizan os
investimentos.
Excepcionalmente, de maneira razoada, poderá presentarse para a súa
autorización pola Dirección Xeral de Comercio, solicitude de cambio de
localización do investimento.
Artigo 15º.-Xustificación da
subvención.
1. Para cobrar a
subvención concedida, o beneficiario deberá presentar a seguinte documentación
nos lugares sinalados no artigo 3º da convocatoria, tendo de prazo para
presentala ata o 30 de outubro de 2007:
a) Facturas xustificativas da materialización do
investimento, indicando nelas concepto, importe sen IVE e importe total, así
como documentos xustificativos do pagamento dos investimentos
realizados.
b) Certificados de atoparse ao día nas súas obrigacións tributarias e coa
Seguridade Social e de non ter débedas baixo ningún concepto coa Xunta de
Galicia, sen prexuízo do establecido no artigo 43 da Lei 14/2006 de orzamentos
xerais da comunidade autónoma para o ano 2007.
c) Declaración
complementaria do conxunto de axudas solicitadas, para a mesma finalidade, tanto
as aprobadas ou concedidas como as pendentes de resolución, das distintas
administracións públicas ou calquera dos seus organismos, entes ou sociedades
públicas ou privadas, nacionais ou internacionais segundo anexo III desta
orde.
2.
Os órganos competentes da Consellería de Innovación e Industria poderán
solicitar as aclaracións ou informes relativos á xustificación do investimento
que consideren adecuados. No caso de que non fosen remitidos polo beneficiario
dentro do prazo que se sinale poderá entenderse que renuncia á axuda ou
subvención concedida.
3. Transcorrido o prazo indicado sen que o
beneficiario presentase a documentación solicitada poderase entender que
renuncia á subvención. Neste caso, o conselleiro ditará a oportuna resolución,
nos termos do artigo 42.1º da Lei 30/1992, do 26 de novembro, de réxime xurídico
das administracións públicas e do procedemento administrativo común.
Artigo
16º.-Pagamento.
1. Recibida a
documentación xustificativa da subvención, os órganos competentes da
consellería, antes de proceder ao seu pagamento, poderán realizar as actuacións
de comprobación oportunas para verificar o cumprimento da actividade
subvencionada.
2. O libramento da subvención farase nun único pagamento mediante
transferencia bancaria, unha vez xustificado o investimento, para o cal se lle
unirá á documentación de xustificación que se indica no artigo anterior,
certificación expedida pola entidade bancaria onde se vai realizar o aboamento,
en que conste o código de banco, código de sucursal, díxito de control e código
da conta corrente.
3. As subvencións minoraranse proporcionalmente se o investimento
xustificado é inferior ao orzamento que serviu de base para a resolución da
concesión, sempre que estea garantida a consecución do obxecto e o investimento
realizado non sexa inferior á contía mínima establecida no artigo 2º.2. En caso
de concorrencia
con outras axudas aplicarase o establecido no artigo 2º.3.
Artigo 17º.-Incumprimento, reintegros e
sancións.
1. O incumprimento das
obrigas contidas nestas bases reguladoras, na convocatoria ou na demais
normativa aplicable, así como das condicións que, de ser o caso, se establezan
na resolución de concesión, dará lugar á obriga de devolver total ou
parcialmente as subvencións percibidas, así como os xuros de demora
correspondentes.
2. Para facer efectiva a devolución a que se refire o punto anterior
tramitarase o oportuno procedemento de reintegro, que se axustará ao previsto no
artigo 78.10º do Decreto lexislativo 1/1999, do 7 de outubro, polo que se aproba
o texto refundido da Lei de réxime financeiro e orzamentario de Galicia, e na
súa normativa de desenvolvemento.
3. Aos beneficiarios das subvencións reguladas
nestas bases seralles de aplicación o réxime de infraccións e sancións previsto
no Decreto lexislativo 1/1999, do 7 de outubro, polo que se aproba o texto
refundido da Lei de réxime financeiro e orzamentario de Galicia, e na súa
normativa de desenvolvemento.
Artigo 18º.-Control.
1. A Consellería de Innovación e Industria poderá
levar a cabo as actividades de inspección que considere oportunas para controlar
o cumprimento das subvencións.
2. Ademais do anterior, as subvencións estarán
sometidas á función interventora e de control financeiro exercido pola
Intervención Xeral da Comunidade Autónoma, nos termos que establece o Decreto
lexislativo 1/1999, do 7 de outubro, polo que se aproba o texto refundido da Lei
de réxime financeiro e orzamentario de Galicia, e a súa normativa de
desenvolvemento. Así mesmo, estará sometida ás actuacións de comprobación
previstas na lexislación do Tribunal de Contas e do Consello de
Contas.
Artigo 19º.-Publicidade.
No
prazo máximo de tres meses contados desde a data de resolución da concesión
publicarase no Diario Oficial de Galicia a relación das subvencións concedidas
con indicación da norma reguladora, beneficiario, crédito orzamentario, contía e
finalidade da subvención.
Non obstante o anterior, cando os importes das
subvencións concedidas, individualmente considerados, sexan de contía inferior a
3.000 euros, non será necesaria a publicación no Diario Oficial de Galicia, que
será substituída pola publicación das subvencións concedidas na páxina web da
Consellería de Innovación e Industria.
Artigo 20º.-Remisión normativa.
Para todo o non previsto nestas bases observarase
o previsto no Decreto lexislativo 1/1999, do 7 de outubro, polo que se aproba o
texto refundido da Lei de réxime financeiro e orzamentario de Galicia, no
Decreto 287/2000, do 21 de novembro, polo que se desenvolve o réxime de axudas e
subvencións públicas da Comunidade Autónoma de Galicia, e no resto de normativa
que resulte de aplicación.
ANEXO VI
Epígrafes do IAE subvencionables
641.-Comercio polo miúdo de froitas, verduras, hortalizas e
tubérculos.
642.-Comercio polo miúdo
de carnes e miúdos; de produtos derivados cárnicos elaborados: de ovos, aves,
coellos de granxa, caza; e de produtos derivados deles.
643.-Comercio polo miúdo
de peixes e doutros produtos da pesca e da acuicultura e caracois.
644.-Comercio polo miúdo
de pan, pastelaría, confeitaría e similares, e de leite e produtos
lácteos.
645.-Comercio polo miúdo de viños e bebidas de todas as
clases.
647.1.-Comercio polo miúdo de
produtos alimenticios e de bebidas en establecementos con vendedor.
647.2.-Comercio polo
miúdo de produtos alimenticios e de bebidas en réxime de autoservizo ou mixto en
establecementos cuxa sala de vendas teña unha superficie inferior a 120 metros
cadrados.
647.3.-Comercio polo miúdo de calquera clase de produtos alimenticios e
de bebidas en réxime de autoservizo ou mixto en supermercados, denominados así
cando a superficie da súa sala de vendas se encontre comprendida entre 120 e 399
metros cadrados.
651.-Comercio polo miúdo de produtos téxtiles, confección, calzado, peles
e artigos de coiro.
652.2.-Comercio polo miúdo de produtos de drogaría, perfumaría e
cosmética, limpeza, pinturas, vernices, disolventes, papeis e outros produtos
para a decoración e de produtos químicos.
652.3.-Comercio polo miúdo de produtos de
perfumaría e cosmética, e de artigos para hixiene e aseo persoal.
652.4.-Comercio polo
miúdo de plantas e herbas en herbolarios.
653.-Comercio polo miúdo de artigos para o equipamento do fogar e a
construción.
654.2.-Comercio polo
miúdo de accesorios e pezas de recambio para vehículos.
654.5.-Comercio polo miúdo de toda clase de
maquinaria.
657.-Comercio polo miúdo
de instrumentos musicais en xeral, así como dos seus accesorios.
659.2.-Comercio polo
miúdo de mobles de oficina e máquinas e equipamentos de oficina.
659.3.-Comercio polo
miúdo de aparellos e instrumentos médicos, ortopédicos, ópticos e
fotográficos.
659.4.-Comercio polo miúdo de libros, xornais, artigos de papelaría e
escritorio e artigos de debuxo e belas artes.
659.5.-Comercio polo
miúdo de artigos de xoiaría, reloxaría, prataría e bixutaría.
659.6.-Comercio polo
miúdo de xoguetes, artigos de deporte, roupa deportiva, de vestido, calzado e
lacado, armas, cartucharía e artigos de pirotecnia.
659.7.-Comercio polo
miúdo de sementes, fertilizantes, flores e plantas e pequenos
animais.
661.3.-Comercio polo miúdo en almacéns populares, entendendo por tales
aqueles establecementos que ofrecen en seccións múltiples e venden en
autoservizo ou en preselección unha variedade relativamente ampla e pouco
profunda de bens de consumo, cunha gama de prezos baixa e un servizo
reducido.
662.2.-Comercio polo miúdo de toda clase de artigos.
663.-Comercio polo miúdo fóra dun establecemento
comercial permanente.
© Xunta de Galicia
Información mantida pola Xunta de
Galicia
Servizo prestado pola Consellería de Presidencia, AA.PP. e
Xustiza
Correo electrónico: webdoga
xunta.es