Sumario del Diario Oficial de Galicia

Diario Oficial de Galicia

martes, 13 de marzo de 2007

III. OUTRAS DISPOSICIÓNS

Número do Dog:

Páxina do Dog:

3.876

Data da Disposición:

1 de marzo de 2007

Sección:

III. OUTRAS DISPOSICIÓNS

Organismo:

CONSELLERÍA DE EDUCACIÓN E ORDENACIÓN UNIVERSITARIA

Rango:

Orde

Título:

Orde do 1 de marzo de 2007 pola que se convocan axudas dirixidas ao alumnado de bacharelato para realizar actividades de inmersión lingüística no estranxeiro.

Orde do 1 de marzo de 2007 pola que se convocan axudas dirixidas ao alumnado de bacharelato para realizar actividades de inmersión lingüística no estranxeiro.

O dominio dunha lingua estranxeira constitúe un compoñente básico da formación dos futuros e das futuras cidadáns, xa que ese dominio abre as portas ao coñecemento doutras formas de vida e de organización social alleas ás nosas, ao tempo que permite acceder a mercados laborais e profesionais máis amplos, mellorar e diversificar as canles de información e establecer relacións de intercambio e de amizade con persoas doutros países.

A integración plena no contexto europeo exíxenos unha intercomunicación, tanto no plano cultural como no laboral, para a que o coñecemento de linguas estranxeiras se fai imprescindible. A Comisión Europea, dentro do seu programa de traballo Educación e Formación 2010, considera que a comunicación nunha lingua estranxeira é unha das competencias clave para a sociedade do coñecemento. O dominio dunha primeira e segunda lingua estranxeira pode considerarse como unha necesidade de primeira orde para o cidadán do século XXI, pois contribúe de xeito esencial á formación integral do alumnado. A consecución destes obxectivos debe igualmente considerarse desde a perspectiva da contribución a reforzar unha cidadanía activa coñecedora doutras culturas. Na procura destes fins, a Administración educativa galega é consciente da súa tarefa na formación do alumnado e no deseño de actividades formativas que lle proporcionen a oportunidade de enriquecer os coñecementos nestas linguas e no contorno cultural delas.

Está recoñecido que a mellor maneira de chegar a esa capacidade de comunicación é nun proceso de inmersión, en que a lingua vehicular sexa a lingua en proceso de aprendizaxe. Para posibilitar que as familias galegas teñan a posibilidade de facilitarlles aos seus fillos e fillas o acceso a esta liña de coñe

cemento, establécense axudas dirixidas ao alumnado do bacharelato destinadas á realización de actividades formativas de inmersión lingüística para desenvolver en países cuxo idioma oficial sexa a lingua obxecto de aprendizaxe.

Por todo iso, e dentro dun plan máis completo de fomento da aprendizaxe de linguas estranxeiras, esta Consellería de Educación e Ordenación Universitaria

DISPÓN:
Primeiro.-Obxecto e ámbito da convocatoria.
O obxecto desta orde é convocar 500 axudas de 1.100 A dirixidas ao alumnado de 1º e 2º de bacharelato que se establece no punto cuarto desta orde para realizar actividades de formación de mellora da competencia lingüística no estranxeiro durante o curso 2006/2007, que se desenvolverán nos meses de xullo e agosto en países cuxo idioma oficial sexa unha lingua estranxeira de entre as que está cursando o alumno/a no centro escolar.

Segundo.-Actividades a que se dirixen as axudas.
As axudas desta convocatoria teñen como obxecto mellorar a competencia no uso de linguas estranxeiras implantadas no sistema educativo e estudadas como primeira ou segunda lingua estranxeiras polo alumnado desta comunidade autónoma.

Terceiro.-Condicións económicas.
O importe de cada unha das axudas será de 1.100 A, que serán aboados por transferencia bancaria ao pai/nai/titor legal da persoa beneficiaria en dous prazos do seguinte xeito: o 50% tras a publicación da resolución definitiva e o restante 50% ao remate da estadía, unha vez xustificada a súa realización segundo se establece no punto 10 desta orde.

Estas axudas son incompatibles co aproveitamento doutro tipo de axudas de institucións públicas ou privadas destinadas á realización de actividades formativas de mellora da competencia lingüística no estranxeiro, sen prexuízo do establecido na epígrafe d) do artigo cuarto.

Cuarto.-Beneficiarios e requisitos.
Poderá solicitar a axuda para a mellora da competencia no uso de linguas estranxeiras o alumnado dos cursos 1º e 2º de bacharelato dos centros sostidos con fondos públicos dependentes desta Consellería de Educación e Ordenación Universitaria.

Os solicitantes destas actividades deberán reunir os seguintes requisitos:
a) Que as persoas solicitantes ou, se é o caso, os membros da unidade familiar teñan domicilio fiscal no territorio da Comunidade Autónoma galega.

b) Os beneficiarios deberán estar cursando os cursos de bacharelato requiridos na presente convocatoria durante o curso 2006-2007.

c) Os beneficiarios deberán ter, no curso 2005-2006, unha avaliación positiva na área de lingua estranxeira que se vai perfeccionar na estadía.

d) As persoas participantes nas estadías non deben ter solicitada nin concedida ningunha outra axuda para estadías no estranxeiro igual ou similar ás establecidas nesta orde de convocatoria.

Quinto.-Prazo e presentación das solicitudes.
Para axilizar e facilitar o trámite de selección, as persoas solicitantes deberán completar, on-line, a solicitude e anexos que como formulario electrónico se atoparán na páxina web http://www.edu.xunta.es/axudasle, ou ben presentar os anexos desta orde debidamente cubertos.

a) As solicitudes, asinadas polo pai/nai/titor legal, xunto cos anexos e a documentación acreditativa, dirixidos á Dirección Xeral de Ordenación e Innovación Educativa, deberán presentarse, no prazo dun mes contado a partir do día seguinte ao da publicación desta orde no Diario Oficial de Galicia, no rexistro xeral da Consellería de Educación e Ordenación Universitaria, San Caetano s/n, 15781 Santiago de Compostela, nas súas delegacións provinciais ou mediante calquera dos procedementos establecidos no artigo 38.4º da Lei 30/1992, de réxime xurídico das administracións públicas e do procedemento administrativo común. Faise notar a posibilidade de que a solicitude sexa remitida por correo, para o cal será necesaria a súa presentación en sobre aberto para que o funcionario de correos poida facer constar o selo e a data antes de proceder á súa certificación postal.

b) A presentación da solicitude de concesión de axudas ou subvención polo interesado comportará a autorización ao órgano xestor para solicitar as certificacións que deban emitir a Axencia Tributaria, a Tesourería Xeral da Seguridade Social e a Consellería de Economía e Facenda da Xunta de Galicia.

Sexto.-Documentación.
Documentación que deberán presentar todas as persoas solicitantes:
1. Solicitude segundo o anexo I desta convocatoria, asinada polo pai/nai/titor legal, validados os datos académicos coa sinatura do director/a e selo do centro educativo onde cursa estudos o alumnado solicitante.

2. Programa educativo da actividade de inmersión e do centro no estranxeiro para o que solicita a axuda.

3. Autorización do pai/nai/titor legal para solicitar a axuda segundo o modelo que figura no anexo II.

4. Autorización de todos os membros da unidade familiar declarantes ao órgano xestor para solicitar as certificacións que deban emitir a Axencia Tributaria, a Tesourería Xeral da Seguridade Social e a Consellería de Economía e Facenda da Xunta de Galicia, segundo o modelo que figura no anexo III. Se o representante legal ou os membros da unidade familiar do beneficiario non presentaron declara

ción, por non estaren obrigados a facelo, a acreditación dos seus ingresos familiares efectuarase mediante información de carácter tributario ou económico facilitada pola Administración tributaria, relativa ás mencionadas parte xeral e especial das bases reguladas nos artigos 38 e 39, respectivamente, do Real decreto lexislativo 3/2004, do 5 de marzo.

5. Declaración de que non ten solicitada nin concedida ningunha outra axuda igual ou similar para esta actividade, segundo o modelo que figura no anexo IV.

Documentación que deberán presentar as persoas solicitantes con circunstancias familiares especiais:

1. Declaración de formar parte dunha familia monoparental en que o seu sustentador principal é viúvo/a, pai ou nai solteiro/a, divorciado/a ou separado/a legalmente ou de feito, segundo o modelo que figura no anexo V, xunto coa fotocopia compulsada do libro de familia para os casos en que se alegue viuvez ou divorcio do/a sustentador/a principal.

2. Fotocopia compulsada do libro de familia para os casos en que se alegue orfandade do solicitante.

3. Fotocopia do carné de familia numerosa, cando proceda.
4. Certificado do grao de minusvalidez cunha porcentaxe igual ou superior ao 33% acreditado polo Equipo de Valoración e Orientación de Minusvalidez (EVO) da Vicepresidencia da Igualdade e do Benestar, cando proceda.

5. Resolución do Instituto Nacional da Seguridade Social (INSS) ou de pensionistas de clases pasivas que acredite unha pensión de grande invalidez, cando proceda.

6. Acreditación da situación de desemprego do pai/nai/titor legal, cando proceda.

Non serán tidos en conta nin valorados os méritos alegados e non xustificados documentalmente, nin os que se aleguen fóra dos prazos que figuran nesta convocatoria.

A Consellería de Educación e Ordenación Universitaria poderá requirirlle ao interesado en calquera momento aclaración da documentación presentada.

Todas as fotocopias que se remitan deberán ir acompañadas das dilixencias de compulsa expedidas polo equipo directivo do centro educativo ou pola delegación provincial da Consellería de Educación e Ordenación Universitaria.

De acordo co establecido no artigo 71 da Lei 30/1992, do 26 de novembro, de réxime xurídico das administracións públicas e do procedemento administrativo común, para aquelas solicitudes que non acheguen os documentos anteriormente sinalados, requirirase o interesado/a para que, nun prazo de dez días, emende as faltas ou remita os documentos preceptivos. De non facelo, considerarase

que desistiu da súa petición e arquivarase o expediente nos termos previstos no citado artigo.

Sétimo.-Comisión avaliadora.
A selección das persoas beneficiarias desta convocatoria realizaraa unha comisión integrada polos seguintes membros:

Presidenta: o/a titular da Dirección Xeral de Ordenación e Innovación Educativa ou persoa en quen delegue.

Vogais: ata un máximo de catro vogais nomeados pola presidenta da comisión avaliadora, con categoría de subdirector xeral, xefe de servizo ou membros da Inspección educativa.

Unha persoa funcionaria da Consellería de Educación e Ordenación Universitaria, que actuará como secretaria, con voz e sen voto.

A comisión poderá dispoñer a constitución dunha subcomisión técnica especializada para os efectos de colaborar na valoración dos documentos achegados.

Para os efectos previstos no artigo 26.2º o Decreto 144/2001, do 7 de xuño, esta comisión considérase incluída na categoría 3ª.

Oitavo.-Criterios de valoración.
Os criterios de valoración que se terán en conta para conceder esta axuda serán:
1. Renda familiar dos pais/nais dos solicitantes. Por renda familiar entenderase a suma dos ingresos computables obtidos por todos os membros da familia no ano 2005 e entenderase que son ingresos da unidade familiar.

Ao cociente dos ingresos anuais da familia polo número de membros adxudicaráselle a seguinte puntuación:

Ata 3.904,00 : 10 puntos.
De 3.904,01 a 4.429,00 A: 8 puntos.
De 4.429,01 a 4.961,00 A: 7 puntos.
De 4.961,01 a 5.484,00 A: 6 puntos.
De 5.484,01 a 6.060,00 A: 5 puntos.
De 6.060,01 a 6.540,00 A: 4 puntos.
De 6.540,01 a 7.072,00 A: 3 puntos.
De 7.072,01 a 7.596,00 A: 2 puntos.
De 7.596,01 a 8.126,00 A1 1 punto.
Máis de 8.126,00 A: 0 puntos.
2. Aos aspirantes con circunstancias familiares especiais engadiráselles ata un máximo de 5 puntos. Considéranse neste punto situacións como:

Situación de desemprego do pai e/ou nai ou titor legal: 0,5/1 puntos.
O ser orfos de pai e/ou nai: 1/2 puntos.
Pertencer a familias onde un ou máis membros cos que conviva (en primeiro ou segundo grao por consanguinidade ou afinidade) teña unha minusvalidez de grao igual ou superior ao 33% ou sexa pensionista de grande invalidez: 0,5/1 puntos.

Pertencer a familias monoparentais, cuxo sustentador principal sexa viúvo/a, pai ou nai solteiro/a, divorciado/a ou separado/a legalmente ou de feito: 0,5 puntos.

Pertencer a familias numerosas (presentarase carné): 0,5 puntos.
Noveno.-Procedemento de adxudicación.
1. Finalizada a comprobación das solicitudes recibidas, a comisión fará pública a relación de admitidos e excluídos, xunto coas causas de exclusión e da documentación para emendar, que se exporá no taboleiro de anuncios da Consellería de Educación e Ordenación Universitaria, no edificio administrativo de San Caetano e nos das delegacións provinciais, na Consellería de Presidencia (Oficina de Atención ao Cidadán), así como no portal educativo da Consellería de Educación e Ordenación Universitaria da Xunta de Galicia (http://www.edu.xunta.es/) na internet, na sección de convocatorias e de alumnado, e nos taboleiros de anuncios dos centros de ensino secundario.

2. Esta exposición abrirá un prazo de dez días para emendar erros e a falta de documentación, e para efectuar reclamacións ou renuncias.

3. Transcorrido este prazo, publicarase nos lugares citados no punto 1 a listaxe provisional coas puntuacións obtidas. Así mesmo, publicarase unha listaxe de suplentes ordenados por puntuación. Faise notar que, nos casos en que se produzan empates na puntuación dos solicitantes, estes se resolverán aplicando o criterio de menor renda por membro da unidade familiar.

4. Abrirase un prazo de 10 días para que os solicitantes lle remitan á Consellería de Educación e Ordenación Universitaria a aceptación da axuda, segundo o modelo que figura no anexo VI, xunto coa certificación bancaria da conta onde se vai aboar a axuda en que se acredite que o titular é o pai/nai/titor legal do solicitante e en que conste o código da conta de cliente comprensivo dos códigos que identifican o banco ou caixa, a oficina, o díxito de control e o número de conta. Non enviar esta documentación supón a renuncia á axuda concedida. Así mesmo, remitirán a declaración de non ter solicitada nin concedida ningunha outra axuda igual ou similar para esta actividade no momento de concesión, segundo o modelo que figura no anexo IV.

As axudas vacantes seranlles ofertadas aos alumnos suplentes por chamamento directo, segundo a relación publicada.

5. A comisión seleccionadora elevaralle a proposta definitiva á conselleira de Educación e Ordenación Universitaria, que resolverá a relación final das persoas seleccionadas.

6. A resolución definitiva publicarase no Diario Oficial de Galicia e exporase nos taboleiros de anuncios e no portal educativo da Consellería de Educación e Ordenación Universitaria da Xunta de Galicia (http://www.edu.xunta.es/) na internet, así como nos taboleiros de anuncios dos centros de ensino secundario.

7. A obtención da axuda falseando as condicións requiridas para iso ou ocultando aquelas que a impedirían, así como a renuncia posterior á resolución definitiva, salvo casos debidamente xustificados, poderá supoñer, en aplicación do artigo 37 da Lei xeral de subvencións e do artigo 78.10º da Lei de réxime financeiro de Galicia, o reintegro do importe da axuda e a exixencia do xuro de demora correspondente desde o momento do pagamento da subvención ata a data en que se acorde a procedencia do reintegro.

Décimo.-Procedemento de xustificación da realización da actividade.
Ao finalizar a actividade formativa obxecto da axuda, as persoas beneficiarias, no prazo de 10 días, e sempre antes do 10 de setembro, deberán achegar á Dirección Xeral de Ordenación e Innovación Educativa a factura orixinal do pagamento da estadía ou fotocopia compulsada desta, así como a certificación da realización da actividade con aproveitamento emitida pola institución educativa estranxeira onde se desenvolveu. Nesta certificación, cando menos deberán constar: nome e enderezo da institución, nome a apelidos do/a alumno/a, número de horas de actividade formativa, datas en que se desenvolveu e grao de aproveitamento.

Contra a resolución definitiva de adxudicación, que esgota a vía administrativa, as persoas interesadas poderán interpoñer recurso potestativo de reposición perante a conselleira de Educación e Ordenación Universitaria no prazo dun mes contado a partir do día seguinte ao da súa publicación no DOG, segundo o disposto nos artigos 116 e 117 da Lei 30/1992, de réxime xurídico das administracións públicas e do procedemento administrativo común (coas modificacións da Lei 4/1999), ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso administrativa.

Décimo primeiro.-Contía das axudas.
O importe total de 550.000 A que se vai distribuír na presente convocatoria farase con cargo á partida orzamentaria 09.02.423B.480.0 dos orzamentos xerais da Comunidade Autónoma de Galicia para o ano 2007.

Décimo segundo.-Difusión desta convocatoria.
A dirección de cada centro educativo arbitrará as medidas necesarias para que o contido desta orde

sexa coñecido por todos os sectores da comunidade educativa e entregaralle unha copia dela ao consello escolar, ao claustro, ás ANPA e, de ser o caso, ás asociacións de alumnado; así mesmo, expoñeranse no taboleiro de anuncios do centro as listaxes provisionais e a definitiva. O contido desta orde atoparanse na páxina da internet http://www.edu.xunta.es/, Dirección Xeral de Ordenación e Innovación Educativa, sección convocatorias e alumnado.

Décimo terceiro.-Recursos.
Contra esta orde os interesados poden interpoñer recurso potestativo de reposición ante a conselleira de Educación e Ordenación Universitaria, no prazo dun mes contado a partir do día seguinte ao da súa publicación no DOG, segundo o disposto nos artigos 116 e 117 da Lei 30/1992, de réxime xurídico das administracións públicas e do procedemento administrativo común, coas modificacións da Lei 4/1999, ou ben directamente recurso contencioso-administrativo no prazo de dous meses ante o Tribunal Superior de Xustiza de Galicia.

Disposicións adicionais
Primeira.-A Consellería de Educación e Ordenación Universitaria resérvase o dereito de valorar e resolver sobre a idoneidade dos centros elixidos para a realización da actividade formativa e dos seus programas educativos, e poderá requirir máis información para o efecto.

Segunda.-Para os efectos do disposto na disposición adicional do Decreto 132/2006, do 27 de xullo, polo que se regulan os rexistros públicos creados nos artigos 44 e 45 da Lei 7/2005, do 29 de decembro, de orzamentos xerais da Comunidade Autónoma de Galicia para o ano 2006, as persoas solicitantes deberán autorizar expresamente á Administración concedente para incluír e facer públicos, nos rexistros regulados no citado decreto, os datos relevantes referidos ás axudas recibidas.

A reserva que o peticionario poida facer no sentido de non autorizar a obtención de datos ou a publicidade dos datos nos rexistros, que en todo caso terá que expresar, poderá dar lugar á exclusión do proceso de participación para obter a axuda ou, noutro caso, á revogación do acto de outorgamento e, se procede, ao reintegro do importe concedido.

Disposicións derradeiras
Primeira.-Autorízase a Dirección Xeral de Ordenación e Innovación Educativa para adoptar os actos e medidas necesarias para a aplicación desta orde.

Segunda.-Esta orde entrará en vigor o día seguinte ao da súa publicación no DOG.
Santiago de Compostela, 1 de marzo de 2007.
Laura Sánchez Piñón
Conselleira de Educación e Ordenación Universitaria

© Xunta de Galicia
Información mantida pola Xunta de Galicia
Servizo prestado pola Consellería de Presidencia, AA.PP. e Xustiza
Correo electrónico: webdoga xunta.es