Sumario del Diario Oficial de Galicia

Diario Oficial de Galicia

mércores, 7 de marzo de 2007

III. OUTRAS DISPOSICIÓNS

Número do Dog:

Páxina do Dog:

3.451

Data da Disposición:

1 de marzo de 2007

Sección:

III. OUTRAS DISPOSICIÓNS

Organismo:

CONSELLERÍA DO MEDIO RURAL

Rango:

Orde

Título:

Orde do 1 de marzo de 2007 pola que se establecen axudas para a prevención e defensa contra os incendios forestais en montes veciñais en man común.

Orde do 1 de marzo de 2007 pola que se establecen axudas para a prevención e defensa contra os incendios forestais en montes veciñais en man común.

O Regulamento (CE) 1698/2005, do Consello, do 20 de setembro, relativo á axuda ao desenvolvemento rural a través do Fondo Europeo Agrícola de Desenvolvemento Rural (Feader), establece as normas que regulan estas axudas, así como os obxectivos aos que debe contribuír a política de desenvolvemento rural, o contexto estratéxico, as prioridades e medidas de desenvolvemento rural e as normas relativas á cooperación, a programación, a avaliación e o control, sobre a base das responsabilidades que comparten os estados membros e a Comisión.

O Regulamento (CE) 1975/2006, da Comisión, do 7 de decembro, polo que se establecen disposicións de aplicación do Regulamento (CE) 1698/2005 do Consello, no que respecta á aplicación dos procedementos de control e á condicionalidade en relación coas medidas de axuda ao desenvolvemento rural.

A Lei 38/2003, do 17 de novembro, xeral de subvencións, regula o réxime xurídico xeral das subvencións outorgadas polas administracións públicas.

A Lei 14/2004, do 29 de decembro, de medidas tributarias e de réxime administrativo, modifica o texto refundido da Lei de réxime financeiro e orzamento, aprobado polo Decreto lexislativo 1/1999, do 7 de outubro, adaptando este texto ao disposto na Lei estatal 38/2003, do 17 de novembro, xeral de subvencións.

O Decreto 287/2000, do 21 de novembro, desenvolve o réxime de axudas e subvencións públicas da Comunidade Autónoma galega.

O Decreto 562/2005, do 1 de decembro, establece a estrutura orgánica da Consellería do Medio Rural e do Fondo Galego de Garantía Agraria (DOG nº 237, do 13 de decembro) e co Decreto 215/2004, do 23 de setembro, polo que se modifica o Decreto 23/2003, do 20 de xaneiro, polo que se fixa a estrutura orgánica dos departamentos da Xunta de Galicia; atendendo aos principios de eficacia, desconcentración e racionalización da organización administrativa.

A Consellería do Medio Rural é o órgano da Administración galega encargado de propor e executar as directrices xerais do goberno no ámbito rural que engloba as competencias en materia de agricultura, gandería, montes e prevención e defensa dos incendios forestais, desenvolvemento rural e ordenación comarcal, estruturas rurais e industrias agroalimentarias, de acordo co establecido na Constitución española e no Estatuto de autonomía de Galicia.

A Lei 13/1989, do 10 de outubro, de montes veciñais en man común, establece no seu artigo 25 que a Consellería do Medio Rural lles dará aos montes veciñais en man común carácter preferente nas súas actuacións de fomento e mellora da produción agraria e na concesión de axudas para esta finalidade.

O espazo forestal forma parte indisoluble do espazo rural, e polo tanto non se pode concibir ningunha

política forestal á marxe da poboación rural e dos seus intereses. A Consellería do Medio Rural, neste contexto, e co obxectivo primordial de contribuír á valorización do monte, implementa esta orde de axudas coa finalidade de incrementar a vinculación das comunidades de montes veciñais co seu monte mediante incentivos económicos que aumenten a participación desta poboación rural na actividade económica do sector forestal.

Por outra banda, esta incentivación na colaboración dos titulares de montes veciñais en man común na realización de traballos de silvicultura preventiva contribuirá a minorar as consecuencias e os impactos negativos que os incendios forestais poidan provocar sobre a capacidade potencial de desenvolvemento e produción destes montes, de grande importancia na nosa comunidade, onde supoñen aproximadamente un terzo da superficie forestal existente; e en conxunto sobre a fauna, a flora e a paisaxe de Galiza.

En consecuencia, de conformidade co previsto no artigo 30.1.3 do Estatuto de autonomía de Galiza e no uso das facultades que me confiren a Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro, e pola Lei 12/1989, do 4 de outubro, os artigos 78 e 79 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia.

DISPOÑO:
Capítulo I
Disposicións xerais
Artigo 1º.-Obxecto.
Esta orde ten por obxecto establecer as bases para a convocatoria de axudas en réxime de concorrencia competitiva que os titulares de montes veciñais en man común e as súas agrupacións poderán percibir para a prevención e defensa contra os incendios forestais. De acordo co devandito obxectivo establécense dúas liñas de axudas:

Liña I: subvención para o funcionamento de brigadas preventivas
Liña II: subvención para a realización de traballos de silvicultura preventiva con tractores e os seus apeiros.

Artigo 2º.-Ámbito de aplicación.
O disposto nesta orde será de aplicación aos montes veciñais en man común da Comunidade Autónoma de Galicia, excepto aqueles que estean consorciados coa Administración, salvo que solicitasen a rescisión do dito consorcio ou o seu paso a convenio con anterioridade á publicación desta orde.

Artigo 3º.-Condicións xerais.
Os interesados solicitarán a concesión das axudas baixo as seguintes condicións:
1ª Deberán presentar a solicitude, e o resto da documentación necesaria antes de comezar o servizo ou de mercar os equipamentos.

2ª No caso de se conceder a subvención, o pagamento será satisfeito unha vez realizado o servizo e/ou a compra de equipos, sen prexuízo dos anticipos que para a liña I se establezan nos artigos seguintes.

3ª Cando as axudas consistan nunha porcentaxe do orzamento do servizo ou subministración, o total da axuda calcularase segundo o orzamento apreciado e aprobado pola Consellería do Medio Rural, segundo o disposto para cada liña de axudas nos capítulos II e III desta orde. As cantidades xustificadas en concepto de IVE non serán subvencionables na medida en que sexan recuperables pola Facenda Pública.

Artigo 4º.-Superficies forestais mínimas para solicitar axudas.
A superficie forestal mínima do monte ou montes veciñais para os que se soliciten estas axudas será de cincocentas hectáreas (500 ha). No caso de agrupación de montes estes terán que ser estremeiros ou pertencer a un mesmo distrito forestal e sempre estar nunha mesma provincia.

Excepcionalmente, no caso de que a CMVMC, mancomunidade ou algunha das CMVMC que integren a agrupación estivera localizada nalgún espazo declarado como zona de especial protección dos valores naturais, segundo o recollido no Decreto 72/2004, do 2 de abril, polo que se declaran determinados espazos como zonas de especial protección dos valores naturais (DOG nº 69, do 12 de abril de 2004), a superficie mínima a que fai referencia o primeiro parágrafo sería de 200 ha.

Artigo 5º.-Beneficiarios.
Poderán ser beneficiarios destas axudas os titulares de montes veciñais en man común así como as súas agrupacións e mancomunidades, sempre que non incorran en ningunha das circunstancias recollidas no artigo 13.2º da Lei 38/2003, xeral de subvencións.

No caso de agrupacións deberán facerse constar os compromisos de execución asumidos por cada membro da agrupación.

Artigo 6º.-Solicitudes e prazo de presentación.
1. As solicitudes presentaranse preferentemente nos servizos de Prevención e Defensa contra Incendios Forestais das delegacións provinciais da Consellería do Medio Rural, sen prexuízo do disposto no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción da Lei 4/1999, do 13 de xaneiro.

Á solicitude xuntaráselle a documentación requirida no capítulo IV, que está en función da liña de axuda solicitada.

2. O prazo de presentación será dun mes contado a partir do día seguinte ao de publicación desta orde no Diario Oficial de Galicia.

3. A presentación da solicitude de concesión de axuda ou subvención polo interesado comportará a autorización ao órgano xestor para solicitar as certificacións que deban emitir a Axencia Estatal da Administración Tributaria, a Tesouraría Xeral da Seguridade Social e a Consellería de Economía e Facenda da Xunta de Galicia.

4. A Consellería do Medio Rural poderá solicitar dos peticionarios toda a información e xustificacións técnicas e económicas que considere necesarias, co obxecto de comprobar a realización das actuacións subvencionables e os custos derivados.

Artigo 7º.-Instrución e resolución de expedientes. Recursos administrativos.
1. Unha vez presentada a solicitude e o resto de documentación requirida no capítulo IV, os servizos de Prevención e Defensa contra Incendios Forestais (en diante S.P.D.C.I.F) revisarán a documentación e, no caso de que conteña defectos ou omisións non esenciais, requirirán ao solicitante a emenda dela, outorgándolle un prazo de 10 días hábiles para facelo, de conformidade co disposto no artigo 71 da Lei 30/1992, con indicación de que, de non se facer así, se desestimará, logo de resolución neste senso, a súa petición e se arquivará o expediente sen máis trámite, para os efectos previstos no artigo 42 da Lei 30/1992.

2. Nas delegacións provinciais da Consellería do Medio Rural valoraranse as peticións segundo os criterios de selección recollidos nos capítulos II e III, para cada unha das liñas de axuda e remitiranse as súas propostas á Dirección Xeral de Montes e Industrias Forestais.

3. De acordo co disposto no artigo 22 da Lei 38/2003, do 17 de novembro, xeral de subvencións, a proposta de concesión será formulada por un órgano colexiado constituído para o efecto, formado nas dúas liñas de subvención por: presidente o subdirector xeral de Defensa contra os Incendios Forestais; vogal, o xefe do Servizo de Organización e Control de Medios, e secretario, o xefe da Sección de Coordinación e Organización; poderase prescindir do trámite de audiencia cando non figure no procedemento nin sexan tidos en conta outros feitos nin outras alegacións e probas que as aducidas polos interesados; neste caso, a proposta de resolución formulada terá carácter definitivo.

4. O director xeral de Montes e Industrias Forestais elevará a proposta ao conselleiro do Medio Rural, que é o órgano a que lle corresponde ditar a resolución de aprobación da subvención. A resolución efectuarase tendo en conta os criterios de selección desta orde e en réxime de concorrencia competitiva, axustándose aos principios de concorrencia, transparencia e igualdade.

5. O conselleiro do Medio Rural resolverá conceder ou denegar a axuda de xeito motivado, concretando de ser o caso a contía, nun prazo máximo de 6 meses contados a partir do día seguinte ao de publicación desta orde no Diario Oficial de Galicia. Esta resolución notificaráselles aos interesados no prazo dos 10 días seguintes á toma do acordo.

6. Excepcionalmente, o conselleiro do Medio Rural poderá acordar a ampliación do prazo máximo de resolución e notificación mediante motivación clara das circunstancias concorrentes, e só unha vez esgotados todos os medios á disposición posibles, de conformidade co disposto no artigo 42.6º, en relación co artigo 49, da Lei 30/1992, de réxime xurídico das administracións públicas e do procedemento administrativo común (LRXPAC).

7. No caso de non recaer resolución expresa no dito prazo, o interesado poderá entender desestimada a solicitude, sen prexuízo da obriga legal de resolver expresamente conforme o disposto nos artigos 42 e 44 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC).

8. Contra a resolución aprobatoria ou denegatoria, que esgota a vía administrativa, poderase interpoñer recurso potestativo de reposición perante o conselleiro do Medio Rural no prazo dun mes, que comezará a contar a partir do día seguinte ao da recepción da notificación da resolución, ou no prazo de tres meses desde que se entenda desestimada a solicitude por silencio administrativo; ou ben poderá ser impugnada directamente perante o Tribunal Superior de Xustiza de Galicia, no prazo de dous meses, se a resolución fose expresa, ou seis meses dende que se entenda desestimada por silencio administrativo, consonte o disposto nos artigos 117 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC); e o artigo 46 da Lei 26/1998, do 13 de xullo, da xurisdición contencioso-administrativa.

Artigo 8º.-Actividades subvencionables, importes, contías e criterios de selección.

As accións subvencionables, así como os importes e as porcentaxes máximas que se subvencionarán recóllense nos capítulos II e III desta orde para cada liña de subvención.

Segundo o artigo 3.1º do Decreto 287/2000, do 21 de novembro, a concesión de axudas axustarase aos principios de publicidade, concorrencia e obxectividade. Os criterios específicos de valoración para a adxudicación de axudas das solicitudes recóllense igualmente nos capítulos II e III para cada unha das liñas de subvención.

Artigo 9º.-Obrigas dos beneficiarios e coordinación co Servizo de Prevención e Defensa contra Incendios Forestais. (S.P.D.C.I.F)

1. O beneficiario comprométese a contratar alomenos 6 persoas para ter en todo momento as brigadas integradas por un mínimo de catro compoñentes.

2. En canto á contratación do persoal para a formación das brigadas de prevención de incendios forestais, todas as actuacións derivadas desta serán responsabilidade da entidade beneficiaria das axudas. O persoal contratado dependerá tanto xurídica como organicamente desta entidade e en ningún caso terá vínculo laboral coa Xunta de Galicia.

Os medios humanos e materiais a que se refire esta orde colaborarán en labores de vixilancia e prevención no seu monte e excepcionalmente, de acordo co previsto no artigo 47 da Lei 10/2006, do 28 de abril, pola que se modifica a Lei 43/2003, do 21 de novembro, de montes, actuarán en labores de extinción de incendios forestais declarados na súa parroquia e nas parroquias limítrofes, no caso de ser requiridos polo S.P.D.C.I.F.

En caso de emerxencia e con carácter extraordinario poderán ser mobilizados polo S.P.D.C.I.F fóra do ámbito de actuación reflectido no parágrafo anterior.

3. As características dos vehículos, material e equipamento obxecto desta subvención supeditaranse á normativa comunitaria, nacional e autonómica, se a houbese, en particular no referente aos EPIs, ás directivas comunitarias, de acordo co Real decreto 1407/1992, do 20 de novembro, polo que se regulan as condicións de comercialización e libre circulación intracomunitaria dos equipos de protección individual (BOE nº 311, do 28 de decembro). Os E.P.I defínense segundo o artigo 2 do Real decreto 773/1997, do 30 de maio, sobre disposicións mínimas de seguridade e saúde relativas á utilización polos traballadores de E.P.I.

4. A actividade subvencionada comezará nun prazo máximo de 15 días naturais a partir da recepción da notificación de aprobación da subvención e unha vez levada a cabo a inspección previa polo persoal do distrito forestal.

O beneficiario poderá subcontratar total ou parcialmente a actividade subvencionada.

Calquera modificación na localización ou composición do persoal contratado deberá ser comunicada aos S.P.D.C.I.F para o seu coñecemento.

Artigo 10º. -Anticipos.
O Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia, establece no seu artigo 16.2. dous.3 que, con carácter excepcional e por resolución motivada da consellaría correspondente (neste caso da Consellería do Medio Rural), se poderá autorizar un anticipo de ata o 50% do importe total da subvención aprobada, nos casos en que o investimento exixa pagamentos inmediatos, sen prexuízo das limitacións que poidan existir de ser o caso na normativa básica da Unión Europea sobre fondos estruturais. Estes anticipos soamente se poderán conceder para a liña I desta subvención.

Para a tramitación deste anticipo, o beneficiario deberá solicitalo previamente no anexo II da solicitude de axudas.

Este anticipo quedará supeditado, en todo caso, a que a inspección previa ao inicio do funcionamento da brigada, realizada polo persoal do distrito da Consellería do Medio Rural, sexa favorable. Nesta inspección deberá verificarse que todos os conceptos subvencionados cumpren co estipulado nesta orde, verificándose, entre outros, os seguintes aspectos:

-Número de compoñentes e nome dos integrantes da brigada, especificando o nome da persoa que actúa como coordinador e responsable dos integrantes desta, e un número de teléfono de contacto 24 horas.

-Vehículo todo terreo ou vehículo pick-up (alugado ou propio) para o funcionamento da brigada: marca e matrícula, e constancia de que permanece en perfectas condicións mecánicas e de dotación e que está ao día en toda a documentación, cumprindo coas obrigas administrativas que leva aparelladas en materia de inspección técnica (ITV), pólizas de aseguramento, impostos, etc.

-Verificación de que os integrantes da brigada estean equipados adecuadamente para o traballo que se vai realizar.

-En caso de que se subvencionen motorrozadoras, verificarase que son novas e que cumpren co estipulado na lexislación vixente e, en particular, co disposto nesta orde.

-Ademais, no caso de que se reciba axuda para a operatividade dun tractor con cisterna, deberase comunicar a matrícula do tractor con rozadora, nome ou nomes das persoas que operan con el e un número de teléfono de contacto 24 horas e deixar constancia de que este vehículo permanece en perfectas condicións mecánicas e de dotación e está ao día en toda a documentación, cumprindo coas obrigas administrativas que leva aparelladas en materia de inspección técnica (ITV), pólizas de aseguramento, impostos, etc.

-No caso de que se reciba axuda para a adquisición de tramos de mangueira para tractores con cisterna, verificarase o disposto no anexo correspondente en canto a condicións técnicas.

En relación coa exixencia de prestación de garantías para realizar estes anticipos, será de aplicación o disposto no artigo 17 do Decreto 287/2000, do 21 de novembro.

Artigo 11º.-Execución da subvención.
A aprobación da subvención implicará o compromiso dos solicitantes de executar as accións indicadas nas condicións propostas. A execución das actividades obxecto de axuda deberá realizarse na extensión e co orzamento indicado no impreso de solicitude. Unha realización da acción subvencionada un 50% inferior á proposta, agás por causa de forza maior, suporá a revogación da subvención concedida, logo da correspondente valoración polos técnicos dos servizos de prevención e defensa contra incendios forestais.

Realizaranse inspeccións previas ao inicio da operatividade das brigadas de prevención (liña I) ou a iniciación dos traballos de silvicultura preventiva (liña II) polo persoal do distrito forestal da Consellería do Medio Rural.

Na liña I verificaranse todos os aspectos xa mencionado no anterior artigo.
Na liña II verificaranse as superficies e comprobaranse os datos da solicitude e a viabilidade dos traballos.

No caso de renuncia, despois de recibida a aprobación da subvención, deberá comunicarse por escrito á Consellería do Medio Rural.

Artigo 12º.-Responsabilidade.
A organización e materialización das actividades subvencionadas será responsabilidade exclusiva do beneficiario.

A actuación da Consellería do Medio Rural quedará limitada ao outorgamento da correspondente subvención e a garantir o cumprimento da normativa en materia de subvencións.

Artigo 13º.-Xustificacións.
O beneficiario deberá comunicar aos S.P.D.C.I.F. da Consellería do Medio Rural a finalización da operatividade da brigada na liña I e o remate dos traballos mecanizados de silvicultura preventiva na liña II.

Na liña I o beneficiario disporá de 10 días naturais dende a finalización da operatividade da brigada para a presentación dos xustificantes das accións realizadas obxecto da subvención, mentres que na liña II os traballos deberán estar rematados e xustificados o máis tardar o 30 de setembro do ano en curso.

As xustificacións para o pagamento presentaranse preferentemente nos servizos de Prevención e Defensa contra Incendios Forestais das delegacións provinciais da Consellería do Medio Rural, sen prexuízo do disposto no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción da Lei 4/1999, do 13 de xaneiro.

Os gastos de execución das accións subvencionadas serán debidamente xustificados polo beneficiario, mediante a presentación de facturas, nóminas, boletíns de cotización da Seguridade Social, contratos e demais documentos acreditativos de xustificación do investimento, tal e como establece o artigo 15 do Decreto 287/2000, do 21 de novembro.

Así mesmo, deberase presentar unha declaración das axudas solicitadas, tanto as aprobadas como as pendentes de resolución para esta mesma finalidade, das distintas administracións públicas competentes ou das entidades vinculadas ou dependentes delas.

Pola súa banda, a Consellería do Medio Rural levará a cabo a súa función de comprobación do investimento a través das certificacións dos técnicos competentes, concretándose estas da seguinte maneira:

1. Liña I: operatividade das brigadas de prevención
Certificado emitido polo técnico competente en que se indique que as brigadas estiveron operativas e colaboraron satisfactoriamente co S.P.D.C.I.F, executando as obras programadas conforme o establecido no artigo 19º.

Con esta certificación poderá modificarse á baixa a cantidade aprobada inicialmente, no caso de que se realice un número menor de unidades de obra das aprobadas.

2. Liña II: traballos silvícolas con tractores:
Certificado emitido polo técnico competente en que se indique se as obras realizadas foron executadas conforme a solicitude e a memoria inicial ou modificada presentada polo beneficiario, especificando as hectáreas rozadas por tipo de actuación.

Con esta certificación poderá modificarse á baixa a cantidade aprobada inicialmente, no caso de que se realice un número menor de unidades de obra das aprobadas.

Artigo 14º.-Comprobacións.
1. O beneficiario comprométese a someterse ás actuacións de comprobación que deba efectuar a entidade concedente ou, de ser o caso, a colaboradora e ás de control financeiro que corresponden á Intervención Xeral da Comunidade Autónoma, en relación coas subvencións e axudas concedidas e coas previstas na lexislación do Tribunal de Contas e do Consello de Contas, consonte co disposto no Decreto lexislativo 1/1999, modificado pola Lei 14/2004, do 29 de decembro, e o capítulo V do Decreto 287/2000, do 21 de

novembro, polo que se desenvolve o réxime de axudas e subvencións públicas da Comunidade Autónoma de Galicia.

2º A solicitude non implica ningún dereito para o peticionario, mentres non exista resolución favorable.

Artigo 15º.-Revogacións.
Consonte o disposto no artigo 78.9º do Decreto lexislativo 1/1999, modificado pola Lei 14/2004, e no artigo 19 do Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia, será motivo de revogación (total ou parcial) da axuda recibida, mediante resolución razoada do mesmo órgano que a concedeu, e procederá o reintegro total ou parcial da axuda recibida, xunto cos xuros devengados dende o seu pagamento nos seguintes casos:

a) Incumprimento da obriga de xustificar.
b) Obtención da subvención sen reunir os requisitos exixidos para a súa concesión.

c) Incumprimento da finalidade para a que foi concedida a subvención.
d) Incumprimento das condicións impostas ás entidades colaboradoras e beneficiarios con motivo da concesión da axuda ou subvención pública.

e) Incumprimento da obriga de adoptar as medidas de difusión contidas na Lei 14/2004.

f) Resistencia, escusa, obstrución ou negativa ás actuacións de comprobación e control financeiro, así como o incumprimento das obrigas contables, rexistrais ou de conservación de documentos, cando derive a imposibilidade de verificar o emprego dado aos fondos percibidos, o incumprimento do obxectivo, a realidade e regularidade das actividades subvencionadas ou a concorrencia de subvencións, axudas, ingresos ou recursos para a mesma finalidade achegadas de calquera Administración ou ente público ou privado, nacionais, da Unión Europea ou de organismos internacionais.

g) A adopción, en virtude do establecido nos artigos 87 a 89 do tratado da Unión Europea, dunha decisión da que derive unha necesidade de reintegro.

h) Nos demais supostos previstos na normativa reguladora da subvención.
Nestes casos, excepto nos de forza maior, procederá o reintegro da axuda percibida e dos xuros de demora devengados desde o seu pagamento de acordo coa Lei de réxime financeiro e orzamentario da Xunta de Galicia.

Serán casos de forza maior, de conformidade co disposto no artigo 47 do Regulamento (CE) nº 1974/2006 da Comisión, do 18 de decembro de 2006:

a) Falecemento do beneficiario.
b) Incapacidade profesional de longa duración do beneficiario.
c) Expropiación dunha parte importante da explotación, se esta expropiación non era previsible o día en que se subscribiu o compromiso.

d) Calamidades naturais graves que afecten seriamente á superficie agrícola da expropiación.

A notificación dos casos de forza maior e as probas relativas a estes deberán realizarse por escrito e nun prazo de dez días hábiles, contado desde a data en que se produciu o caso de forza maior.

Así mesmo, procederase ao reintegro do exceso percibido nos supostos en que o importe da subvención, illadamente ou en concorrencia con subvencións ou axudas doutras administracións públicas ou outras entidades públicas ou privadas, nacionais ou internacionais, supere o custo da actividade que vai desenvolver o beneficiario ou, se é o caso, a porcentaxe máxima do investimento subvencionable que se estableza.

Artigo 16º.-Controis.
Non se poderá efectuar ningún pagamento sen realizar previamente os controis preceptivos, tanto administrativos como sobre o terreo, de acordo co plan anual de controis con base no establecido no Regulamento (CE) nº 1975/2006, da Comisión, do 7 de decembro de 2006.

Á parte dos órganos desta comunidade autónoma competentes para efectuar unha fiscalización ou control a posteriori dos pagamentos que deriven destas axudas, tamén serán competentes para a realización dos oportunos controis e auditorías, o Servizo de Control Interno do Fondo Galego de Garantía Agraria, na súa calidade de organismo pagador, así como os demais órganos comunitarios de inspección e control.

Artigo 17º.-Financiamento.
As axudas que deriven da aplicación desta orde financiaranse con cargo á aplicación orzamentaria 11.06.551B.770.0, códigos de proxecto. 07.00.486 «Subvencións e investimentos en materia de prevención de incendios», cofinanciado pola Unión Europea a través do Fondo Europeo Agrícola de Desenvolvemento Rural (Feader), co seguinte reparto orzamentario por liñas de axuda:

Liña I: dotada cun total dun un millón oitocentos corenta mil euros (1.840.000 A).

Liña II: dotada cun total dun millón dezasete mil cento corenta e tres euros (1.017.143 A).

A Consellería do Medio Rural, chegado o caso, poderá aumentar o orzamento dispoñible para o financiamento da presente orde, sempre e cando existan dispoñibilidades orzamentarias.

No caso de que quedasen remanentes de crédito destinados ao financiamento dunha liña de axudas, tales remanentes poderán ser destinados ao financiamento da outra liña de axudas.

Artigo 18º.-Modificación da resolución de concesión.
Toda alteración das condicións tidas en conta para a concesión da subvención e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución da concesión, consonte o disposto no artigo 12.1º do Decreto 287/2000, do 21

de novembro e no artigo 12.9º da Lei 14/2004, do 29 de decembro.
Artigo 19º.-Procedemento sancionador.
O artigo 79 do Decreto lexislativo 1/1999, modificado polo artigo 13 da Lei 14/2004, regula as infraccións e sancións administrativas en materia de axudas e subvencións públicas, así como o réxime de responsabilidade e os órganos competentes para o exercicio da potestade sancionadora.

A imposición de sancións realizarase unha vez instruído o oportuno expediente, segundo ao disposto no Decreto 287/2000, no Decreto lexislativo 1/1999, na Lei 14/2004, na Lei 30/1992 e no real Decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora.

Capítulo II
Operatividade de brigadas de prevención
Artigo 20º.-Actividades subvencionables
Subvenciónase nesta liña o funcionamento de brigadas de prevención.
Poderase subvencionar un máximo de dúas brigadas para solicitantes cuxa superficie total sexa maior de 1.000 hectáreas. No resto de solicitudes só se poderá subvencionar unha brigada.

Estas brigadas de prevención realizarán labores de vixilancia e prevención nos seus montes. Os labores de prevención sobre o terreo consistirán en rozas manuais selectivas en faixas auxiliares de pista e áreas devasa, co fin de reducir a carga de combustible presente no monte e crear zonas de descontinuidade, contribuíndo así a diminuír o risco de propagación de incendios forestais e a minimizar os danos causados por estes sinistros, en caso de se produciren. Estes traballos realizaranse sempre dentro do ámbito territorial do monte ou montes para os que o beneficiario solicite a axuda.

A planificación destes labores corresponderá á entidade beneficiaria das axudas en coordinación co S.P.D.C.I.F, e axustarase en todo caso ás seguintes condicións:

-Rozarase un mínimo de 4 ha/mes por brigada, durante o seu período de operatividade.

-Os restos procedentes destes traballos serán triturados mecanicamente. No caso de que a mecanización non fora tecnicamente posible, poderán quedar acordoados ou ser eliminados mediante queima, para a que cómpre solicitar a correspondente autorización.

Estas brigadas poderán participar en labores de extinción de lumes cando se dean os condicionantes xa reflectidos no artigo 9º, punto 2.

Dentro desta liña subvencionaranse as seguintes accións e subministración:
a) Xornada de traballo do persoal integrante das brigadas de prevención durante un mínimo de 3 meses e un máximo de 5. Subvencionarase a operatividade das brigadas entre 3 e 5 meses, sendo prioritarios por esta orde os meses de maio, xuño, xullo, agosto e setembro e podendo así mesmo quedar supeditada esta operatividade á finalización das brigadas antes

do 15 de outubro. As brigadas estarán compostas, en todo momento, polo menos por catro integrantes efectivos por xornada de traballo.

b) Adquisición de ferramentas de prevención: (motorrozadoras) coas características mínimas que se detallan no anexo VIII. Subvencionarase un máximo de dúas unidades por brigada.

c) Compra de ferramentas de defensa contra incendios e material de equipo.
d) Adquisición de batelumes.
e) Adquisición de vestiario ignífugo e equipamento de seguranza persoal.
f) Adquisición de caixa de primeiros auxilios.
g) Aluguer de vehículo todo terreo de transporte ou operatividade de vehículo todo terreo propio.

h) Aluguer de vehículo todo terreo equipado para a prevención e defensa de incendios forestais ou operatividade deste, no caso de ser propio. Estes vehículos deberán de cumprir as condicións especificadas no anexo IX desta orde

Soamente se poderá solicitar subvención para un tipo de vehículo g) ou h).
i) Operatividade de tractor con cisterna.
j) Adquisición de tramos de mangueira para tractores con cisterna. Serán tramos de mangueira con racores TB de 25 mm, en rolos de 20 m, que cumprirán as condicións técnicas mínimas que se detallan no anexo X desta orde. Poderanse subvencionar un máximo de 5 tramos.

A adquisición de mangueiras para tractores con cisterna estará supeditada á concesión de axuda para a operatividade destes medios.

Artigo 21º.-Importes e porcentaxes máximos das axudas.
1. A contía das axudas estará condicionada, en todo caso, á existencia de dispoñibilidades orzamentarias.

2. Os prezos que se reflicten na seguinte táboa son indicativos para o titular da solicitude e obrigatorios como tope máximo na aplicación polos S.P.D.C.I.F para a aprobación dos orzamentos.



Unidade	Descrición	Prezo máximo aplicable en euros	Porcentaxe máxima subvencionable

Xornal	Xornada de 8 horas e con dedicación plena durante elas para brigadas de vixilancia e prevención compostas por catro integrantes efectivos, incluíndo seguros: réxime xeral	310	70%

Día	Aluguer ou operatividade de vehículo todo terreo para brigadas de vixilancia e prevención	35	70%

Día	Aluguer ou operatividade de vehículo todo terreo equipado para a prevención e defensa contra incendios forestais	50	70%

Unidade	Batelumes de caucho con mango	25	100%

Unidade	Ferramenta forestal	25	50%

Unidade	Equipamento de protección individual completo (funda, botas, cinto, máscara, gafas, luvas e lanterna)	200	70%



Unidade	Descrición	Prezo máximo aplicable en euros	Porcentaxe máxima subvencionable

Unidade	Rozadoira manual	1.200	50%

Unidade	Caixa de primeiros auxilios	40	70%

Día	Operatividade de tractor con cisterna con capacidade mínima de 2.000 l e 100 m de mangueira	18	100%

Unidade	Tramo de mangueira con racores TB, de 25 mm en rolos de 20 m	90	100%

Artigo 22º.-Criterios de selección.
Segundo o artigo 3.1º do Decreto 287/2000, do 21 de novembro, a concesión de axudas axustarase aos principios de publicidade, concorrencia e obxectividade.

As brigadas subvencionadas complementarán os labores de vixilancia e prevención desenvolvidos polos medios propios dos S.P.D.C.I.F., de xeito que se reforcen e se estendan as accións preventivas o máximo posible no territorio. Estes requisitos fan necesario establecer unha asignación territorial a nivel provincial destes medios, de xeito que se consiga unha concentración de esforzos e unha acción de conxunto no territorio de toda a comunidade.

Polo tanto, con base no anterior establécese a seguinte distribución territorial básica:


	Mínimo	Máximo

A Coruña	7	12

Lugo	6	10

Ourense	6	10

Pontevedra	8	15



Unidade	Descrición	Prezo máximo aplicable en euros	Porcentaxe máxima subvencionable

Ha	Roza mecanizada con tractor e rozadora de brazo en faixas auxiliares de pistas e zonas perimetrais do monte estremeiras con zonas non forestais	450	80%

Ha	Roza mecanizada con tractor e rozadora de cadeas en áreas devasas e zonas perimetrais do monte estremeiras con zonas non forestais	375	80%

Artigo 25º.-Criterios de selección.
Segundo o artigo 3.1º do Decreto 287/2000, do 21 de novembro, a concesión de axudas axustarase aos principios de publicidade, concorrencia e obxectividade.

Os traballos de silvicultura preventiva que se desenvolverán cos tractores deberán complementar os labores desenvolvidos polos tractores propios dos S.P.D.C.I.F., de xeito que se acade unha acción conxunta e integrada no territorio.

Coa finalidade de que os traballos preventivos se distribúan axeitadamente en todo o territorio da comunidade autónoma, segundo as necesidades, establécese a seguinte distribución territorial:


	Mínimo	Máximo

A Coruña	10	20

Lugo	35	70

Ourense	65	130

Pontevedra	55	110

Esta distribución territorial poderase modificar en caso de posteriores incrementos no orzamento destinado a esta orde.

Cando as solicitudes presentadas superen os mínimos provinciais anteriores e existan dispoñibilidades orzamentarias, atenderanse as solicitudes de maior a menor puntuación ata o máximo provincial, segundo o baremo seguinte:

1. Montes veciñais situados en concellos incluídos en espazos declarados zonas de especial protección dos valores naturais: 1 punto.

Véxase o Decreto 72/2004, do 2 de abril, polo que se declaran determinados espazos como zonas de especial protección dos valores naturais (DOG nº 69, do 12 de abril de 2004).

2. Existencia de instrumento de planificación forestal para o monte ou montes beneficiarios (proxecto de ordenación ou plan técnico) aprobado e rexistrado pola Dirección Xeral de Montes e Industrias Forestais: 1 punto.

3. Monte ou montes certificados conforme o sistema de xestión forestal sustentable da Xunta de Galicia: 1 punto.

4. Comunidades de montes veciñais solicitantes da axuda regulada pola Orde do 15 de marzo de 2006 pola que se establecen axudas para a prevención e defensa contra incendios forestais en montes veciñais en man común que, cumprindo os requisitos mínimos exixidos nela, non obtivesen subvención por insuficiente dotación orzamentaria: 1 punto

5. Solicitantes que obtivesen subvención ao abeiro da liña I desta orde: 1 punto.

6. Valoración polos S.P.D.C.I.F.dos traballos de prevención: ata 1 punto.
No caso de que cada provincia cubra os mínimos establecidos no requisito básico de distribución territorial e existan dispoñibilidades orzamentarias, a concesión da axuda para o resto de solicitudes pendentes farase no ámbito da comunidade autónoma, tendo como límite o máximo provincial, atendendo á maior puntuación obtida polos solicitantes, segundo os baremos anteriores.

No caso de que se cubran os máximos territoriais establecidos e existan dispoñibilidades orzamentarias, atenderanse as solicitudes de maior puntuación, segundo o referido baremo.

Para todos os casos, de existir empate, prevalecerá a maior puntuación obtida no punto 6 e de continuar o mesmo, será preferente a maior puntuación obtida nos puntos 1, 2, 3, 4 e 5, sucesivamente.

Capítulo IV
Artigo 26º.-Documentación.
As C.M.V.M.C deberán estar legalmente constituídas e regulamentariamente inscritas no Rexistro Provincial de Montes Veciñais en Man Común, de acordo co disposto no artigo 57 do Decreto 260/1992, do 4 de setembro, para poder acceder a estas axudas.

1. Operatividade de brigadas de prevención.
-Solicitude segundo o anexo I. O solicitante deberá ser a C.M.V.M.C, ben directamente ou ben a través do seu representante legal (presidente da C.M.V.M.C).

-Valoración económica das actuacións solicitadas segundo anexo II.
-Fotocopia do DNI, NIF ou CIF do titular dos terreos (ou titulares no caso de agrupación) e do solicitante.

-Certificación orixinal da entidade financeira sobre a titularidade da conta en que se solicita o ingreso do importe da axuda.

-Certificado tomado en asemblea xeral, asinado polo secretario, conforme autorizan o solicitante a pedir axudas á Consellería do Medio Rural, para a execución das accións obxecto da solicitude.

-Datos dos montes obxecto da subvención, segundo o anexo V.
-Para as agrupacións: acordo dos titulares dos terreos forestais para a designación dun solicitante-representante para efectos de tramitación da axuda, segundo o anexo VI.

-Declaración das axudas solicitadas, tanto as aprobadas como as pendentes de resolución para esta mesma finalidade, das distintas administracións públicas competentes ou das entidades vinculadas ou dependentes delas, ou anexo VII debidamente asinado.

2. Axudas para a realización de traballos mecanizados de silvicultura preventiva.

-Solicitude segundo o anexo III. O solicitante deberá ser a C.M.V.M.C. ben directamente ou ben a través do seu representante legal (presidente da C.M.V.M.C.).

-Valoración económica das actuacións solicitadas segundo anexo IV
-Fotocopia do DNI, NIF ou CIF do titular dos terreos (ou titulares no caso de agrupación) e do solicitante.

-Certificación orixinal da entidade financeira sobre a titularidade da conta en que se solicita o ingreso do importe da axuda.

-Certificado tomado en asemblea xeral, asinado polo secretario, conforme autorizan o solicitante a pedir axudas á Consellería do Medio Rural, para a execución das accións obxecto da solicitude.

-Datos dos montes obxecto da subvención, segundo o anexo V.
-Para as agrupacións: acordo dos titulares dos terreos forestais para a designación dun solicitante-representante para efectos de tramitación da axuda, segundo o anexo VI.

-Declaración das axudas solicitadas, tanto as aprobadas como as pendentes de resolución para esta mesma finalidade, das distintas administracións públicas competentes ou das entidades vinculadas ou dependentes delas, ou anexo VII debidamente asinado.

-Memoria técnica, acompañada do orzamento e planos sobre mapas da Consellería de Política Territorial, Obras Públicas e Transportes con escala preferentemente 1:5.000 o no seu defecto 1:10.000, máis dúas copias. Ademais, presentaranse os datos identificativos SIXPAC

dos terreos para os que se solicita esta axuda. No caso de concellos que non teñan asignadas referencias SIXPAC, presentaranse as referencias catastrais.

Disposicións adicionais
Primeira.-As axudas contidas nesta orde son incompatibles con outras subvencións de calquera Administración pública e con calquera outro réxime de axudas comunitarias para a mesma finalidade.

Segunda.-Segundo o disposto no Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia, deberán manterse as condicións do investimento ou o emprego ligado a este durante un período mínimo de cinco anos.

Terceira.-A Consellería do Medio Rural poderá modificar a resolución de concesión por instancia do beneficiario, consonte os requisitos previstos no artigo 12.2º do Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia.

Consonte co anterior, o acto polo que se acorde a modificación da resolución, ou no seu caso se denegue, será ditado polo órgano concedente, logo da instrución do correspondente expediente en que se dará audiencia aos interesados na forma prevista no artigo 9.4º do Decreto 287/2000, do 21 de novembro.

Cuarta.-Nos aspectos non previstos nesta orde aplicarase o disposto nos artigos 78 e 79 do Decreto lexislativo 1/1999 e no Decreto 287/2000.

Quinta.-De conformidade co artigo 13.4º da Lei 4/2006, do 30 de xuño, de transparencia e de boas prácticas na Administración pública galega, a Consellería do Medio Rural publicará na súa páxina web oficial as concesións das axudas reguladas nesta orde, polo que a presentación da solicitude leva implícita autorización para o tratamento necesario dos datos dos beneficiarios e da súa publicación na cita páxina web.

De acordo co establecido na disposición adicional primeira do Decreto 132/2006, do 27 de xullo, de creación dos rexistros de axudas, subvencións e convenios e de sancións da Xunta de Galicia, a persoa solicitante da axuda consentirá expresamente a inclusión e publicidade dos datos relevantes referidos ás axudas e subvencións recibidas, así como ás sancións impostas, de ser o caso.

Disposicións derradeiras
Primeira.-Facúltase o director xeral de Montes e Industrias Forestais para ditar todas as disposicións complementarias, dentro do ámbito das súas competencias, para a aplicación da presente orde.

Segunda.-A presente orde entrará en vigor o día seguinte ao da súa publicación no Diario Oficial de Galicia.

Santiago de Compostela, 1 de marzo de 2007.
Alfredo Suárez Canal
Conselleiro do Medio Rural
ANEXO VIII
Definición e características técnicas mínimas que deberán cumprir as motorrozadoras.

1. Definición.
Ferramenta motorizada cortante, consistente nunha serra circular inserida no extremo dunha barra ou lanza conectada a un motor. A barra é dirixida por un guiador ergonómico que posibilita o traballo do corpo en posición vertical.

2. Bases técnicas.
As motorrozadoras que se desexe adquirir serán novas, de recente fabricación, de tipo moderno e de primeira calidade.

Dado que este material se utilizará en duras condicións de traballo, as súas características básicas serán tales que reúnan unhas condicións de robustez, lixeireza, facilidade de manexo, conservación e mantemento, que aseguren a máxima efectividade e duración do equipo.

2.1. Características técnicas do material.
Basicamente, o aparato estará constituído por un motor de dous ou de catro tempos, cun sistema antivibración que reduza a transmisión de vibracións orixinadas polo motor e pola ferramenta de corte en movemento, e un sistema de acendido que garante un arranque fiable e un funcionamento do motor sen avarías.

Datos técnicos:
-Cilindrada mínima de 45 cc.
-Potencia mínima de 2,7 CV.
2.2. Grupo motor.
Estarán dotados dun motor de explosión de 2 ou de 4 tempos, cun sistema de filtros de aire que alongue os intervalos de limpeza e ofreza unha protección fiable do motor.

Prestarase especial atención á relación peso/potencia.
2.3. Carburación.
Estará provisto dun carburador que sexa insensible a calquera posición de traballo con bomba de combustible incorporada.

2.4. Sistema eléctrico.
O sistema de acendido electrónico garantirá un arranque fiable e un funcionamento do motor sen avarías.

2.5. Silenciador.
Constarán dun silencioso adecuado para este tipo de motores de elevado número de r.p.m., e deberá especificarse na oferta o nivel de ruído que alcanza co motor a plena carga.

2.6. Refrixeración.
A refrixeración realizarase por circulación forzada de aire por medio de turbina, orientándose o fluxo sobre as aletas do cilindro e culata por medio de carenado; a toma de aire estará protexida por reixa.

2.7. Depósito de combustible.
Posuirá un depósito de combustible de fácil enchedura dotado de válvula de aireación e antiderrame, e será transparente para poder controlar o nivel de consumo. O depósito situarase preferentemente diante do motor para ter un centro de gravidade optimizado e posuír maior confort ergonómico. O filtro de toma será de feltro ou outro material que permita unha longa duración e de fácil extracción e substitución.

No seu conxunto, estará debidamente illado do calor irradiado polo motor. Preferiranse aqueles equipos que precisen gasolina sen chumbo para protexer o ambiente e ademais non necesiten ser alimentados con mesturas de gasolina de octanaxe alta.

2.8. Arranque.
O arranque será manual por cable ou electrónico.
2.9. Embrague.

O dispositivo de embrague será automático, de tipo centrífugo e de longa duración; estará debidamente protexido contra a entrada de graxas, aceites e mestura de combustible vertido.

2.10. Accesorios de corte.
A motorrozadora virá provista dunha caixa redutora na cal se poderán inserir os distintos elementos de corte. Serán facilmente substituíbles e disporase de ferramentas necesarias para realizar este recambio.

Os elementos de corte estarán homologados para a utilización de coitelas para triturar.

2.11. Proteccións.
Valoraranse especialmente aqueles dispositivos de que veñan dotadas, como protectores para accesorios de corte así como o número e tipo de repostos que se entreguen con cada unidade.

2.12. Material.
Cada unidade virá dotada como mínimo de:
1 libro de instrucións de uso, mantemento e pezas de recambio.
1 xogo de ferramentas básicas de mantemento.
2 accesorios de corte para matogueiras e un para cortar arbustos e árbores delgadas.

1 arnés co seu cinto de porte e o seu desconector de emerxencia.
ANEXO IX
Características técnicas mínimas que teñen que cumprir os vehículos todo terreo equipados para a prevención e defensa contra incendios forestais.

Chasis.
Bastidor especialmente deseñado para a súa utilización en todo terreo, con todos os seus elementos distribuídos e/ou protexidos para que non se poidan danar nin seren extraídos accidentalmente por ramas ou outros elementos ao circular polo monte.

Cabina.
A cabina do vehículo todo terreo terá catro portas e cinco prazas homologadas.
Motor.
Potencia máxima non inferior de 100 c.v. nin o par máximo desenvolvido inferior a 24 m/qg.

Depósito de auga.
Depósito de auga de poliéster reforzado con fibra de vidro, con capacidade útil mínima de 400 l e dotado de tabiques dique para evitar envorcaduras.

A lonxitude do depósito de auga non será superior ao 80% do longo da superficie carrozable.

Bomba.
Deberá permitir acadar cun caudal de 50 l/min unha presión de 40 atmosferas.
Comunicacións.
Levará instalado un equipo de radiocomunicación móbil, extraíble, altofalante xunto ao cadro de mandos da bomba e antena, de acordo coas especificacións que determine a S.X.D.C.I.F., así como un kit de mans libres para cumprir a normativa vixente ao respecto.

Documentación.
O vehículo deberá estar ao día en toda a documentación, cumprindo coas obrigas administrativas que leva aparelladas en materia de inspección técnica (ITV), pólizas de aseguramento, impostos, etc.

ANEXO X
Características técnicas mínimas que deberán cumprir as mangueiras.
O material será novo, de recente fabricación, de tipo moderno e de primeira calidade.

Dado que este material se utilizará en operacións de extinción, en duras condicións de traballo, as súas características básicas serán tales que reúnan unhas condicións de robustez, lixeireza, facilidade de manexo, conservación e mantemento, que aseguren a máxima efectividade e duración. Estas características son:

1. Constarán dun tubo flexible, exento de rixidez en todas as súas partes, formado por 4 capas, que ao entrar en carga adopte a sección circular. Os materiais en que estea construído, así como o seu grosor, serán tales que este armazón teña a resistencia necesaria para soportar polo menos unha presión de servizo de 45 bares, no caso de mangueiras de 25 mm, e para tolerar unha presión de rotura de 90 bares, segundo o ensaio 4 da norma UNE

23091-2B. Ademais, estes materiais serán impermeables.
2. Os semi-racores situados aos extremos de cada tramo serán simétricos, de tipo cola estriada, anticorrosivos e de alta resistencia, e capaces de soportar presións de traballo de 45 kgs/cm.

3. O tecido do armazón será de fibra pouco combustible e o suficientemente resistente para soportar a presión interior e os desgastes que, por arrastre ou roce contra o chan ou outros corpos, poida experimentar. O grao de elasticidade e de dilatación en ningún caso deberá ser superior ao 6%.

© Xunta de Galicia
Información mantida pola Xunta de Galicia
Servizo prestado pola Consellería de Presidencia, AA.PP. e Xustiza
Correo electrónico: webdoga xunta.es